Star Wars-ის ფანები ითხოვენ, რომ კინოსტუდიებმა Disney-მ და LucasFilm-მა ვარსკვლავური ომების მომდევნო ნაწილებში პრინცესა ლეიას როლზე სამი ოსკარის მფლობელი მსახიობი მერილ სტრიპი დაამტკიცონ, ამ მოთხოვნით მათ პეტიციაც კი გამოაქვეყნეს.

"მერილ სტრიპს სამი ოსკარი და 21 ნომინაცია აქვს (სავარაუდოდ შემდეგ წელს 22-ე), ის კინოინდუსტრიაში საუკეთესო მსახიობია და ამას ყველა აღიარებს, გარდა ამისა, ის კერი ფიშერის ახლო მეგობარი იყო. ჩვენ გვჯერა, რომ ის საუკეთესო კანდიდატია კერი ფიშერის ლეგენდარული პერსონაჟის კიდევ ერთხელ გასაცოცხლებლად", - წერია ფანების განცხადებაში.

პეტიციას თითქმის 10 ათასი ხელმომწერი ჰყავს, თუმცა ოფიციალური კომენტარი ამ თემაზე ფილმის შემქმნელებისგან და თავად სტრიპისგან ჯერ არ გაკეთებულა.

აღსანიშნავია, რომ ფილმში, In Postcards From The Edge, მერილ სტრიპს უკვე ნათამაშები აქვს სიუზენ ვეილის როლი, რომელიც კერი ფიშერის პროტოტიპია.

შეგახსენებთ, რომ კერი ფიშერი ვარსკვლავურ ომებში პრინცესა ლეიას როლით არის ცნობილი. ის 2016 წლის დეკემბერს 60 წლის ასაკში გარდაიცვალა.