კულტურის მინისტრის მოადგილის, კახა კანდელაკის განცხადებით, პროექტი Check in Georgia სახელმწიფოს "არცერთი თეთრი" დაუჯდა.

დღეს გამართულ ბრიფინგზე კომპანია ისთერნპრომოუშენის დამფუძნებელმა თქვა, რომ საქართველოს ქალაქებში გამართული კონცერტებისთვის გამოყოფილი ბიუჯეტი, სპონსორებისგან და გაყიდული ბილეთებიდან შემოსულმა თანხამ სრულად შეავსო.

პროექტი Check in Georgia სამთავრობო პროექტია, რომლისთვისაც მთავრობის სარეზერვო ფონდიდან 29 მილიონამდე ლარი გამოიყო.

Check in Georgia-ს ფარგლებში საქართველოს რობი უილიამსი, Maroon 5 და ხოსე კარერასი უკვე ეწვივნენ. პროექტის ფარგლებში ამ ზაფხულს ბათუმს The Qemits და Звери ეწვევა.

დღეს გამართულ ბრიფინგზე, ამ ზაფხულს შავი ზღვის არენაზე კრისტინა აგილერას კონცერტი დაანონსდა, რომელიც Check in Georgia-სგან დამოუკიდებლად ჩატარდება და მას ქართუ ჯგუფი დააფინანსებს.