Avengers: Infinity War-ის კიდევ ერთი ოფიციალური ტრეილერი გამოვიდა, რომელშიც მთელი სიმძაფრით არის გადმოცემული თანოსის დაპირისპირება შურისმაძიებლებთან. ტრეილერში ჩანს, რომ თანოსმა უკვე ორი უსასრულობის ქვა ჩაიგდო ხელში და ქვების გამოყენებით, მას რეალობის შეცვლა შეეძლება.

ფოტო: კადრი ვიდეოდან

თანოსთან დასაპირისპირებლად შურისმაძიებლები, გალაქტიკის მცველებთან და მარველის სამყაროს სხვა სუპერგმირებთან ერთიანდებიან. ტრეილერით თუ ვისმჯელებთ, შურისმაძიებლებს მოგების დიდი შანსები არ აქვთ. რკინის კაცი, თორი და დოქტორ სტრეინჯი დიდ განსაცდელში არიან, თუმცა, კაპიტან ამერიკასა და თანოსს შორის დაპირისპირება ფანებს იმედს უტოვებს.

Infinity War-ის პირველი ტრეილერი რამდენიმე თვის წინ გამოვიდა. ფილმი დიდ ეკრანებზე 2018 წლის 27 აპრილს გამოვა. Avengers-ის მესამე ნაწილის რეჟისორები ძმები რუსოები არიან.

ოფიციალურ ტრეილერამდე ჟურნალმა Vanity Fair სუპერგმირები ერთ ფოტოსესიაში გააერთიანა.