თბილისის მთავარი სამმართველოს, კრიმინალური პოლიციის ყოფილი უფროსი ზაზა ბაქრაძე ბუტა რობაქიძის მკვლელობის საქმეზე ბრალს აღიარებს. ამის შესახებ მისმა ადვოკატმა ჟურნალისტებთან საუბრისას განაცხადა.

შსს-ს ყოფილი მაღალჩინოსანი გუშინ, 28 თებერვალს თბილისის საერთაშორისო აეროპორტში დააკავეს. უწყების ინფორმაციით, 2004 წელს ზაზა ბაქრაძემ სხვა პირებთან ერთად დანაშაულის ჩადენის მიზნით მართლსაწინააღმდეგოდ შეძენილი ცეცხლსასროლი იარაღი და საბრძოლო მასალა შემთხვევის ადგილზე მიიტანა.

ზაზა ბაქრაძეს 2013 წლის 7 თებერვალს ბრალი დაუსწრებლად წარედგინა, რის საფუძველზეც, მასზე წითელი ცირკულარით ძებნა გამოცხადდა.