Warner Bros. რამდენიმე თვეა აქტიურად ემზადება Wonder Woman-ის მეორე ნაწილის გადასაღებად.

ახლახან ოფიციალურად დადასტურდა, რომ მთავარ უარყოფით, ბარბარა ენ მინერვას, იგივე ავაზას როლს კრისტენ ვიგს შეასრულებს.

თავდაპირველად ამ როლზე ოსკარის მფლობელი ემა სტოუნი განიხილებოდა, თუმცა DC-ის კომიქსის ეკრანიზაციაში მონაწილეობაზე მსახიობმა უარი თქვა.

გარდა ამისა, ფილმის პირველი ნაწილის რეჟისორმა, პატი ჯენკინსმა ოფიციალურად დაადასტურა, რომ მეორე ნაწილის რეჟისორიც ის იქნება.

აღსანიშნავია, რომ ჯენკინსი ამ შემთხვევაში გახდება ყველაზე მაღალანაზღაურებადი ქალი რეჟისორი, რომელიც ფილმისთვის ფიქსირებული $8 მილიონის გარდა ფილმის შემოსავლიდანაც მიიღებს წილს.

თუ ჭორებს დავუჯერებთ ჯენკინსს დიდი სურვილი აქვს, რომ ფილმში მოქმედება 1980-იან წლებში განვითარდეს და გალ გადოტის პერსონაჟმა ცივი ომის პერიოდში იმოგზაუროს, სადაც ის საბჭოთა კავშირის წინააღმდეგ იბრძოლებს.

სავარაუდოდ, კინოსურათის მეორე ნაწილი ეკრანზე 2019 წლის დეკემბერში გამოვა.