საქართველოს პრემიერ-მინისტრის, გიორგი კვირიკაშვილის განცხადებით, შემუშავდება ახალი საგადასახადო სისტემა მცირე მეწარმეებისათვის, რომლითაც შეღავათიანი საგადასახადო რეჟიმი დაწესდება. პრემიერმა ახალი ინიციატივის შესახებ საქართველოს მთავრობის სხდომაზე ისაუბრა.

ინიციატივით, 5 პროცენტიდან 1 პროცენტამდე შემცირდება ბრუნვის გადასახადი. გარდა ამისა, მცირე ბიზნესად ჩაითვლება არა 100 ათას ლარამდე ბრუნვის მქონე საწარმო. ეს თანხა 500 ათას ლარამდე იზრდება.

პრემიერის თქმით, ეს შეუმსუბუქებს მცირე მეწარმეებს ბიზნესის წარმოების პროცესსა და ხელს შეუწყობს ახალი საწარმოების შექმნას.

კანონპროექტის ინიციატორი ფინანსთა მინისტრი მამუკა ბახტაძეა.