ვალენტინობის დღესასწაულის მოსვლამდე სულ რაღაც ერთი დღე დარჩა. სანამ თქვენ ხვალინდელ გეგმებს აწყობთ, აღმოჩნდა, რომ ყოველი მეოთხე წყვილი ვალენტინობას მოსაწყენ დღესასწაულად მიიჩნევს.

Groupon-მა გადაწყვიტა, ჩაეტარებინა კვლევა და გაერკვია, რა დამოკიდებულება აქვთ წყვილებს ვალენტინობასთან დაკავშირებით. კვლევის შედეგებმა აჩვენა, რომ გამოკითხულთა 80% ვალენტინობის აღნიშნვნას აპირებს, თუმცა 53% ამბობს, რომ ეს დღესასწაული ცოტა მოსაწყენი გახდა და მისგან ახალ ემოციებს აღარ ელიან.

მიზეზი ყველას სხვდასხვა აქვს, თუმცა გამოკითხულთა თითქმის ნახევარი ამბობს, რომ ვალენტინობას აზრი აღარ აქვს, რადგან ზუსტად იციან, რას აჩუქებენ მათი მეწყვილეები.

Groupon-ის მკვლევარებმა დაადგინეს, რომ წყვილების უმეტესობას სიტუაციის გამოსასწორებლად მარტივი გამოსავალი აქვთ. მათ უმეტესობას სურს, რომ ვახშმის შემდეგ მეტი დრო გაატარონ ერთად და სხვადასხვა აქტივობებს დაუთმონ დრო. მათი აზრით, ეს იქნება საუკეთესო საჩუქარი ვალენტინობის დღისთვის.

გამოკითხულებს მიაჩნიათ, რომ კარგი იქნებოდა, თუ მათ მეწყვილეებთან ერთად რამე კონცერტზე წავიდოდნენ, ან უბრალოდ განმარტოვდებოდნენ, ქალაქგარეთ გავიდოდნენ, ლაშქრობაში წავიდოდნენ და სხვ.

თუ ჯერ კიდევ ფიქრობთ, რა აჩუქოთ თქვენს მეორე ნახევარს, იქნებ გამოგადგეთ ამ კვლევის შედეგები. სუნამო, საათი და სხვა ნივთები კარგია, მაგრამ როგორც ჩანს, ადამიანებს დასამახსოვრებელი დღეები ურჩევნიათ.