ამერიკის კინოაკადემიამ ოსკარის რიგით 90-ე დაჯილდოებიც ნომინანტები გამოაცხადა. გილერმო დელ ტოროს ფილმმა The Shape of Water ოსკარზე 13 ნომინაცია მიიღო, კრისტოფერ ნოლანის Dunkirk-მა - 8, მარტინ მაკდონაჰის Three Billboards Outside Ebbing, Missouri - 7, ხოლო გრეტა გერვიგის Lady Bird-მა ხუთი.

ამავდროულად, ოსკარის 90-წლიან ისტორიაში საუკეთესო რეჟისორის ნომინაციაზე ქალი მეხუთედ წარადგინეს და ის Lady Bird-ის რეჟისორი გრეტა გერვიგია.

ნომინაციების გამოცხადებისას ყველას ეგონა, რომ საუკეთესო ფილმის თუ არა, სხვა რომელიმე კატეგორიაში აუცილებლად გამოაცხადებდნენ პატი ჯენკინსის კინოსურათს - Wonder Woman, რომელმაც საბოლოოდ 90-ე ოსკარზე ვერცერთი ნომინაცია მიიღო.

კრიტიკოსებისა და ჟურნალისტები ნაწილი აკადემიის ამ გადაწყვეტილებით უკმაყოფილოები არიან და ვერ უძებნიან ახსნას, იმას თუ რის გამო "დაიჩაგრა" ფილმი წლის ყველაზე დიდ კინოდაჯილდოებაზე.

აღსანიშნავია, რომ DC-ის კომიქსის მიხედვით გადაღებული ფილმის გარდა, აკადემიამ ტრადიციულად სუპერგმირებზე გადაღებული თითქმის ყველა ფილმი დაიწუნა.