თბილისის მერის მოადგილე გიგა ნიკოლეიშვილი გადადგა. ის ერთადერთი მოადგილე იყო დავით ნარმანიას გუნდიდან, ვინც კახა კალაძემ დატოვა.

რუსთავი 2-ისთვის მიცემულ ინტერვიუში ნიკოლეიშვილი ამბობს, რომ შემდეგი კვირიდან დაცვის პოლიციის დეპარტამენტის თავმჯდომარე იქნება, თუმცა არ აკონკრტეტებს ნდობის გამოცხადებიდან ორ კვირაში თანამდებობა რატომ დატოვა.

თბილისის მთავრობის სხდომის დაწყვებამდე ამასთან დაკავშირებით ჟურნალისტებთან განცხადება არ გაუკეთებია თბილისის მერს.

13 ნოემბერს კახა კალაძემ თავისი მოადგილეები დაასახელა: ირაკლი ხმალაძე, მაია ბითაძე, ირაკლი ბენდელიანი, ილია ელოშვილი და გიგა ნიკოლეიშვილი. ნიკოლეიშვილი თბილისის მერის მოადგილის თანამდებობას 2016 წლის აგვისტოდან იკავებდა.