Big Bang Theory-ის ვარსკვლავის, კევინ სუსმანის განცხადებით, სერიალის გაგრძელებაში სტიუარტს ფანები ლიდერის როლში იხილავენ.

Big Bang Theory-ის 12-სეზონიანი მსვლელობისას სტიუარტ ბლუმი ხშირად მეორეხარისხოვან პერსონაჟად გვევლინებოდა. თუმცა HBO Max-ის გაგრძელებაში — სტიუარტმა ვერ შეძლო სამყაროს გადარჩენა (Stuart Fails to Save the Universe) — ის მთავარი გმირი ხდება. კევინ სუსმანი, რომელიც კომიქსების პოპულარული მაღაზიის მფლობელს განასახიერებს, თვლის, რომ ფანებს ძალიან გაუხარდებათ საყვარელი პერსონაჟის სრულიად განსხვავებული კუთხით ხილვა.

ფოტო: CBS

55 წლის სუსმანმა განაცხადა, რომ ახალი სერიალი მას აძლევს იმის შანსს, რაც Big Bang Theory-ში იშვიათად გვინახავს — შესაძლებლობას, ნებისმიერ სიტუაციაში იკისროს ლიდერის როლი.

მას შემდეგ, რაც სტიუარტი შემთხვევით მულტივერსის კატასტროფას გამოიწვევს, სამყაროს გადარჩენის მისიის ცენტრალური ფიგურა გახდება. მას შეუერთდება ფრენჩაიზის რამდენიმე ნაცნობი სახე — Big Bang Theory-ის მეორეხარისხოვანი პერსონაჟები ახალ სერიალში უფრო მნიშვნელოვან როლებს მოირგებენ.

ფოტო: CBS

ლორენ ლაპკუსი აღნიშნავს: "ეს სრულიად განსხვავებული სტილის შოუა, თუმცა მჯერა, რომ ის იუმორი, რაც მაყურებელს პირველ სერიალში მოსწონდა, აქაც მოახდენს ეფექტს და ფანები სიამოვნებას მიიღებენ".

Stuart Fails to Save the Universe-ის პრემიერა 23 ივლისს HBO Max-ზე შედგება.