Sony Pictures-მა ახლახან Spider-Man: Brand New Day-ს რიგით მესამე და ფინალური ტრეილერი გამოუშვა. ტრეილერში არაერთ ახალ კადრს ვხედავთ, მათ შორის ტომ ჰოლანდისა და ზენდეიას პერსონაჟების ემოციურ შეხვედრასა და ადამიანი ობობას ეპიკურ დაპირისპირებას მარკ რუფალოს ჰალკთან.

მაყურებელმა Spider-Man: No Way Home 5 წლის წინ იხილა, ფილმის ახალ ნაწილში კი პიტერ პარკერი სრულიად მარტოა — მისი ვინაობა ყველამ დაივიწყა და ახლა მთელ თავის დროს ნიუ-იორკში დამნაშავეებთან ბრძოლას უთმობს. ასე რომ, სიუჟეტი ბევრ საინტერესო და მოულოდნელ სიახლეს გვპირდება.

Brand New Day-ში როგორც ნაცნობ, ისე სრულიად ახალ სახეებს ვიხილავთ. მარკ რუფალოს (ჰალკი) და ჯონ ბერნტალის (Punisher) გარდა, ეკრანებს უბრუნდება მაიკლ მანდოს პერსონაჟი — მორიელი (Scorpion), რომელიც მაყურებელმა Spider-Man: Homecoming-დან გაიცნო. სამსახიობო გუნდს ასევე შეუერთდნენ სეიდი სინკი, ტრამელ ტილმანი, ლიზა კოლონ-ზაიასი და მარვინ ჯონს II, რომელიც ტომბსტოუნის როლს შეასრულებს.

Spider-Man: Brand New Day-ს პრემიერა კინოთეატრებში 31 ივლისს შედგება.