2026 წლის 1 ივლისიდან გრინვეიმ საზაფხულო ანაზღაურებადი სტაჟირების პროგრამა დაიწყო. თუ ფიქრობ, რომ ზაფხული საუკეთესო დროა გამოცდილების დასაგროვებლად, ეს შანსი სწორედ შენთვისაა.

პროგრამის მთავარი მიზანია მისცეს სტუდენტებსა და სხვა დაინტერესებულ პირებს (18 წლიდან) შესაძლებლობა, ყოველგვარი სამუშაო გამოცდილების გარეშე დაიწყონ წარმატებული კარიერა. სამთვიანი პროგრამის (ივლისიდან სექტემბრის ჩათვლით) წარმატებით დასრულების შემთხვევაში, მონაწილეებს ეძლევათ შესაძლებლობა, გახდნენ გრინვეის გუნდის მუდმივი წევრები და დასაქმდნენ გრინვეის თბილისის სერვისცენტრებში, სხვადასხვა ლოკაციაზე.

საზაფხულო სტაჟირება სტუდენტებისთვის — რას გთავაზობთ ჩვენ:

  • მოქნილ სამუშაო გრაფიკს — სრულ, 40-საათიან სამუშაო კვირას;
  • 3-თვიან პრაქტიკულ გამოცდილებას წამყვან კომპანიაში;
  • სტაჟირების დასრულების შემდეგ დასაქმების რეალურ პერსპექტივას.

პროგრამა ითვალისწინებს ორ პოზიციას თბილისის მასშტაბით:

  • გრითერ-ოპერატორი (ანაზღაურება 800 ლარი);
  • ინსპექტორი (ანაზღაურება 1000 ლარი).

რა არის პროექტის მიზანი?

საზაფხულო სტაჟირების პროგრამა გრინვეის კორპორაციული სოციალური პასუხისმგებლობის უმნიშვნელოვანესი მიმართულებაა. პროექტის მიზანია:

  • ტექინსპექტირების სფეროს განვითარება ნიჭიერი და ენერგიული ახალგაზრდების ჩართულობით;
  • ბაზრისთვის კვალიფიციური და პროფესიონალი კადრების მომზადება;
  • ახალგაზრდების ხელშეწყობა, რათა მიიღონ პროფესიული ცოდნა და საინტერესო გამოცდილება.

საზაფხულო სტაჟირება — ახალი ცოდნა და განვითარება

სტაჟირების პერიოდში თითოეული მონაწილე გაივლის გრინვეი აკადემიის ტრენინგებს. ჩვენი ტრენერები დაეხმარებიან მათ როგორც ტექინსპექტირების თეორიული კურსისა და პრაქტიკული ქეისების შესწავლაში, ისე მომსახურების უმაღლესი სტანდარტების — "სერვის პლიუსის" ათვისებაში.

პროგრამის დასასრულს, თითოეულ სტაჟიორს გადაეცემა "გრინვეი აკადემიის" სერტიფიკატი, რაც კანდიდატების რეზიუმეებს კიდევ უფრო კონკურენტუნარიანს გახდის.

როგორ ჩავერთო პროგრამაში?

თუ გსურს, რომ ეფექტურად გამოიყენო ზაფხული და დააგროვო გამოცდილება ჩვენთან ერთად, რეგისტრაციისთვის შეგიძლია აირჩიო შენთვის მოსახერხებელი ნებისმიერი გზა:

  • დაგვიტოვე საკონტაქტო ინფორმაცია მითითებულ ბმულზე;
  • მოგვწერე ან დაგვიტოვე საკონტაქტო ინფორმაცია ჩვენს სოციალურ ქსელებში;
  • დაგვიკავშირდი ნომერზე: 0 32 2 99 77 77;
  • გამოგვიგზავნე რეზიუმე (CV) ელ-ფოსტაზე: [email protected].