კომუნიკაციების კომისიამ (ComCom) ტელეკომპანია ფორმულა 2 500 ლარით დააჯარიმა. კომისია ტელეკომპანიას მაუწყებლობის შესახებ კანონის იმ მუხლების დარღვევას ედავება, რომელიც შინაარსობრივ რეგულირებას გულისხმობს.

კომისიის აზრით, ტელეკომპანიის მიერ "ოცნების სუსი", "ივანიშვილის ხელისუფლება“, "პროსამთავრობო რუსთავი 2“, "რეჟიმის სასამართლო“ და სხვა მსგავსი ფრაზების გამოყენებით მაუწყებელმა ახალი ამბები პირადი დამოკიდებულების და მოსაზრების გავლენით გააშუქა.

შეგახსენებთ, ეს ტერმინების გამო დავის პირველი შემთხვევა არ არის. 2025 წლის 5 ივნისს ქართული ოცნების საჩივრების საფუძველზე კომუნიკაციების ეროვნულმა კომისიამ ტელეკომპანიები — "მთავარი", "ფორმულა" და "TV პირველი" სამართალდამრღვევებად ცნო, თუმცა არ დააჯარიმა. ხელისუფლების მიმართ კრიტიკულად განწყობილი ტელეკომპანიების წინააღმდეგ კომისიას საჩივრით ირაკლი კობახიძის მინდობილმა პირმა, ნათია ბოკუჩავამ 27 მაისს მიმართა და მათი დასანქცირება მოითხოვა ისეთი ტერმინების გამო, როგორებიცაა: "ოლიგარქი", "ოლიგარქის რეჟიმი", "კლანის მსახური მოსამართლე","ოლიგარქის დეპუტატი", "რეჟიმის პატიმრები", "არალეგიტიმური პარლამენტი", "კანონის ცალკეულ ნორმათა მოთხოვნების დარღვევისათვის".