Star Trek: Strange New Worlds-ის მეოთხე სეზონის პრემიერის თარიღი უკვე ცნობილია.

სამეცნიერო ფანტასტიკის ჟანრის სერიალის ახალი სეზონის პრემიერა 23 ივლისს, Paramount+-ზე შედგება, ახალი ეპიზოდები კი ყოველკვირეულად გამოვა. სეზონის ფინალი 24 სექტემბერსაა დაგეგმილი.

იხილეთ მე-4 სეზონის თიზერი:

როგორც უკვე ცნობილია, Strange New Worlds ბოლო, მეხუთე სეზონითაც გახანგრძლივდა.

მე-4 სეზონის ოფიციალური აღწერა ასეთია: "ხომალდ U.S.S. Enterprise-ის ეკიპაჟი — კაპიტან კრისტოფერ პაიკის (ანსონ მაუნტი) ხელმძღვანელობით — ვარსკვლავებს გადაღმა ამაღელვებელ და ემოციურ თავგადასავლებში ერთვება. უცნაური ახალი სამყაროებისკენ მოგზაურობისას, ისინი შეებრძოლებიან შინაგან დემონებსა და გარეგან საფრთხეებს, შეხვდებიან ახალ პერსონაჟებს, იხილავენ ნაცნობ სახეებს და დაუპირისპირდებიან შემზარავ უცხოპლანეტელებს. ამ ყველაფრის დროს კი, ისინი ცდილობენ, ნათელი და იმედით სავსე მომავლისკენ ისწრაფონ".

ფოტო: Paramount+

ანსონ მაუნტთან ერთად, სერიალში შემდეგ მსახიობებსაც ვიხილავთ: რებეკა რომეინი, ითან პეკი, ჯეს ბუში, კრისტინა ჩონგი, სელია როუზ გუდინგი, მელისა ნავია, ბაბს ოლუსანმოკუნი და მარტინ ქვინი, ასევე მოწვეული ვარსკვლავები — კეროლ კეინი და პოლ უესლი.

სერიალის აღმასრულებელი პროდიუსერები არიან: აკივა გოლდსმანი, ჰენრი ალონსო მაიერსი, ალექს კურცმანი, აარონ ბაიერსი, დანა ჰორგანი, ალან მაკელროი, რობი ტომპსონი, ფრენკ სირაკუზა, ჯონ ვებერი, კრის ფიშერი, ანსონ მაუნტი, როდ როდენბერი და ტრევორ როთი. სერიალს CBS Studios, Secret Hideout და Roddenberry Entertainment იღებენ.