მსახიობმა გიგა დათიაშვილმა სოციალურ ქსელებში ატვირთულ ვიდეოში განაცხადა, რომ ის, ბექა ხაჩიძე და დევი ბიბილეიშვილი სერიალ ბოლო სეზონიდან გამოუშვეს.

ბოლო სეზონი ქართული სპორტულ-დრამატული სერიალია, რომელიც საფეხბურთო კლუბ მიმინო 1919-ის შესახებ მოგვითხრობს. 2023 წელს დაწყებულ სერიალში ერთ-ერთი მთავარი პერსონაჟის, ლევანის, როლს სწორედ გიგა დათიაშვილი ასრულებდა. თუმცა, მსახიობის განცხადების მიხედვით, ის, ისევე, როგორც ზაზას როლის შემსრულებელი — დევი და ექიმის როლის შემსრულებელი, ბექა, მე-4 სეზონში მონაწილეობას აღარ მიიღებენ.

გიგა დათიაშვილი

გიგა დათიაშვილი

ფოტო: Film Asylum

დევი ბიბილეიშვილი

დევი ბიბილეიშვილი

ფოტო: Film Asylum

ბექა ხაჩიძე

ბექა ხაჩიძე

ფოტო: Film Asylum

გიგა მსახიობების სერიალიდან გაშვების მიზეზად Crystalbet-ს ასახელებს. რამდენიმე კვირის წინ სამივე მსახიობმა მიიღო მონაწილეობა ვიდეოებში, რომლებშიც Slebet.ge-ს დამფუძნებელი კითხულობს მათ დამოკიდებულებას აზარტულ თამაშებთან დაკავშირებით.

იხილეთ ვიდეოები:


როგორც გიგა დათიაშვილი ამბობს, აზარტული თამაშების შესახებ მათმა უარყოფითმა კომენტარებმა Crystalbet-ის უკმაყოფილება გამოიწვია: "ეს არ მოეწონა Crystalbet-ს და თქვა, რომ ეს ადამიანები ამ სერიალში აღარ იქნებიანო".

აღსანიშნავია, რომ Crystalbet ბოლო სეზონის გადამღები კომპანიის, Film Asylum-ის სპონსორია.

მე პირადად სიტყვის თავისუფლებისთვის ვიბრძვი ამდენი ხანია. ვერც კრისტალბეთი დამაზარალებს მაგით, რომ მე-4 სეზონში აღარ ვიქნები და არც ჩემს სამსახიობო კარიერას არ მოაკლდება ეს. დააზარალეს ისევ თავიანთი თავები, ჩემი აზრით, ასეთი მიდგომით მსახიობების მიმართ

იხილეთ გიგას ვიდეო:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…