თიბისის მხარდაჭერით, დიზაინის ინსტიტუტი უფროს კლასელებსა და სტუდენტებს დიზაინის საფუძვლების ინტენსიურ, გრძელვადიან პროგრამას სთავაზობს.

პროგრამა განკუთვნილია იმ ახალგაზრდებისთვის, რომლებსაც დიზაინი აინტერესებთ, თუმცა ჯერ არ აქვთ პროფესიული გამოცდილება და საკუთარი მიმართულების ძიებაში არიან.

30-ზე მეტი ლექტორისა და დიზაინის, შემოქმედებითი და ბიზნეს სფეროს პროფესიონალის ჩართულობით, 200-საათიანი კურსის განმავლობაში, სტუდენტებს შესაძლებლობა ექნებათ:

  • სრულყოფილად გაეცნონ ინდუსტრიაში არსებულ პროფესიებს
  • შეისწავლონ დიზაინის აკადემიური საფუძველი
  • განივითარონ ტექნიკური უნარები
  • დარგის საუკეთესო სპეციალისტებთან ერთად იმუშაონ რეალურ პროექტებზე
  • გაიზიარონ ცოდნა და მიიღონ რჩევები ბიზნესისა და სოციალური სექტორის წარმომადგენლებისგან
  • მიიღონ იდეების ვიზუალიზაციისა და პრობლემის დიზაინის გზით გადაწყვეტის უნარები

კურსზე მიღებული გამოცდილებების საფუძველზე, სტუდენტები უკეთ შეძლებენ გაიაზრონ პროფესიული არჩევანი და შექმნან პორტფოლიო.

არ გამოტოვო ეს შესაძლებლობა. პროგრამაზე რეგისტრაცია მიმდინარეობს 24 მარტამდე, ბმულზე.

თიბისი ქმნის და მხარს უჭერს განათლების პროგრამებს, რომლებიც ახალი თაობისთვის ცოდნას შესაძლებლობად, ხოლო შესაძლებლობას კი რეალურ წინსვლად აქცევს. დიზაინის ინსტიტუტისა და თიბისის ერთობლივი ინიციატივები ახალ თაობას აძლევს სივრცეს საკუთარი ინტერესების აღმოსაჩენად, უნარების განსავითარებლად და იმ გზის გამოსავლენად, რომელიც მათ მომავალ პროფესიულ არჩევანს განსაზღვრავს.