გარემოს ეროვნული სააგენტოს ცნობით, 3 და 4 იანვარს საქართველოში ჰაერის ტემპერატურის მკვეთრი დაცემაა მოსალოდნელი. მათი განმარტებით, კოლხეთის დაბლობზე ზოგან ღამით ტემპერატურა -8, ხოლო შიდა ქართლში შესაძლოა -17 გრადუსამდე დაეცეს.

"3 და 4 იანვარს საქართველოში მოსალოდნელია ჰაერის ტემპერატურის მკვეთრი დაცემა. კოლხეთის დაბლობზე ზოგან ღამის ტემპერატურა შესაძლებელია -8, ხოლო შიდა ქართლში -17 გრადუსამდე დაეცეს. შესაძლოა მნიშვნელოვნად დაზიანდეს სუბტროპიკული კულტურები და ვაზის ნარგავები.

ძლიერმა ყინვებმა და ლიპყინულმა შესაძლებელია გამოიწვიოს შეზღუდვები საავტომობილო გზების და მაგისტრალების ცალკეულ მონაკვეთებზე და შემოყინულობა ელექტროგადამცემ ხაზებზე (საფრთხის დონე საშუალო)", — წერია გავრცელებულ განცხადებაში.