NATO-ს გენერალური მდივანი მარკ რუტე Build-თან ინტერვიუში ამბობს, რომ პუტინია იმის მიზეზი, რომ ამდენ ხანს უკრაინაში ომი ვერ დასრულდა. მისი თქმით, ის მზადაა თავისი ქვეყნის მოსახლეობა, "1.1 მილიონი ადამიანი გაწიროს".

"მიზეზი პუტინია. ის მზადაა, თავისი 1.1 მილიონი თანამემამულე გაწიროს. წელს კი მან ძალიან მცირე პროგრესი განიცადა — მინიმალური ტერიტორიული მიღწევები აქვს – წლის დასაწყისთან შედარებით უკრაინის ტერიტორიის 1%-ზე ნაკლები. ამისთვის, ჩვენი შეფასებით, რუსეთის მხრიდან 1.1 მილიონამდე ადამიანი დაიღუპა ან დაიჭრა. ეს საშინელებაა. მაგრამ ასეთი სიტუაცია გვაქვს," — ამბობს რუტე Bild-თან ინტერვიუში.

რუტე აცხადებს, რომ "უკრაინაზე ცეცხლის შეწყვეტის ან სამშვიდობო შეთანხმების შემდეგ, თავდასხმა აღარასდროს განხორციელდეს. პუტინმა უნდა გაიგოს, რომ კიდევ ერთი თავდასხმა მისთვის კატასტროფული იქნება. უკრაინის შეიარაღებული ძალები შესანიშნავ მდგომარეობაში უნდა იყვნენ და უნდა შეეძლოთ ქვეყნის დაცვა ომის ან ხანგრძლივი ცეცხლის შეწყვეტის შემდეგ".

NATO-ს გენერალური მდივნის თქმით, "მსურველთა კოალიცია", რომელსაც საფრანგეთი და დიდი ბრიტანეთი ხელმძღვანელობენ, გერმანიისა და სხვა ქვეყნების მონაწილეობით, უზრუნველყოფს ყველაფერს, რაც აუცილებელია იმისათვის, რომ პუტინმა არ გაბედოს მსგავსი ქმედების გამეორება.

მესამე დონეა შეერთებული შტატები. ამერიკის პრეზიდენტმა აგვისტოში განაცხადა, რომ მას სურს მონაწილეობა. ახლა კი ჩვენ ვმუშაობთ ამ სამი ელემენტის — უკრაინის შეიარაღებული ძალების, მსურველთა კოალიციის და აშშ-ის წვლილის — გაერთიანებაზე ისე, რომ პუტინს ძალიან ნათლად უთხრას: მე აღარასდროს უნდა შევეხო უკრაინას".

ჟურნალისტის კითხვაზე, ცეცხლის შეწყვეტის შემდეგ, უნდა გაგზავნონ თუ არა სხვა ქვეყნებმა ჯარები უკრაინაში, თუ პუტინი კვლავ თავს დაესხმება? რუტე ამბობს, რომ ეს ასე უნდა მოხდეს.

"რა თქმა უნდა, ამ დროისთვის დეტალებს საჯაროდ არ განვიხილავთ. მაგრამ შემიძლია ვთქვა, რომ რამდენიმე ევროპულმა ქვეყანამ განაცხადა მზადყოფნა, საჭიროების შემთხვევაში ჯარები გამოყოს. ამჟამად მიმდინარეობს მუშაობა "მსურველთა კოალიციის" ზუსტი სტრუქტურის დასადგენად: როგორი იქნება განლაგება? რა მოხდება ხმელეთზე, ზღვაზე, ჰაერში და ა.შ.? ყველა ეს ელემენტი ამჟამად დამუშავების პროცესშია".

რუტეს თქმით, "პუტინს 140 მილიონი ადამიანი ჰყავს. NATO-ს ქვეყნებს ერთად — დაახლოებით მილიარდი. ყველა ასპექტით, ჩვენ ახლა რუსეთზე ძლიერები ვართ".