კოალიცია ცვლილებისთვის ლიდერი ზურაბ ჯაფარიძე თავისუფალია. პენიტენციურმა სამსახურმა ის გაფრთხილებულ დროზე ადრე გამოუშვა და მან რუსთავის ციხე უკვე დატოვა.

"რამდენიმე დღის წინ მითხრეს, რომ სადღაც 10:30 საათისთვის უნდა ვყოფილიყავი მზად გასასვლელად და ისე მოხდა, რომ დილის 08:00 საათზე მაისურით გამომაგდეს გარეთ, სადაც ცოცხალი არსება არ იყო. ტაქსით იყო ერთი ადამიანი გაჩერებული და იმან გამათბო ცოტა ხანი, იმის მობილურით დავუკავშირდი მეუღლეს და მერე ჩემი მეგობარი მოვიდა. უცნაური განცდა მაქვს ახლა", — განაცხადა ზურაბ ჯაფარიძემ.

ზურაბ ჯაფარიძე 22 მაისს დააკავეს. მოსამართლე ჯვებე ნაჭყებიამ ოცნების პარლამენტის დროებით საგამოძიებო კომისიაზე გამოუცხადებლობისთვის მას 7-თვიანი პატიმრობა მიუსაჯა და 2 წლით საჯარო სამსახურში თანამდებობის დაკავება აუკრძალა. ზურაბ ჯაფარიძეს ბრალი სისხლის სამართლის კოდექსის 349-ე მუხლით წარუდგინეს, რაც "აქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს.