მორიგი წელი დასასრულისკენ მიდის და ნელ-ნელა შეჯამებების დროც დგება. წლის შემაჯამებელი სტატისტიკა ყოველთვის ბევრს ამბობს ხოლმე უახლეს ტრენდებზე, მით უფრო, თუ ამ მონაცემებს Spotify გვთავაზობს. მუსიკის სტრიმინგ პლატფორმა, ტრადიციულად, დეკემბრის დასაწყისში Spotify Wrapped-ს წარმოგვიდგენს, რომელიც თითოეულ მომხმარებელს აძლევს საშუალებას, განვლილ წელიწადს თვალი გადაავლოს: ვის და რას უსმენდა ყველაზე ხშირად. ინდივიდუალურ სტატისტიკასთან ერთად, სპოტიფაი მონაცემებს გლობალურადაც აჯამებს და ყველაზე პოპულარულ სიმღერებს და მუსიკოსებს ასახელებს.

მაშ, მოდი, ვნახოთ, როგორი გახლდათ 2025 მუსიკაში...

10 ყველაზე პოპულარული მუსიკოსი

ალბათ გახსოვთ, რომ გასულ წელს სპოტიფაის ყველაზე პოპულარული მუსიკოსის ტიტული ტეილორ სვიფტს ხვდა წილად, რომელმაც 26,6 მილიარდი სტრიმი მოაგროვა. ტეილორი 2023-შიც ამ სიის სათავეში იყო — 26,1 მილიარდი სტრიმით. თუმცა, რადგან ამჯერად სვიფტის ალბომი (The Life of a Showgirl, რომელმაც არაერთი რეკორდი მოხსნა) წლის ბოლო კვარტალში გამოვიდა, გასაკვირი არაა, რომ მუსიკოსმა წამყვანი პოზიცია დათმო და მეორე ადგილზე გადაინაცვლა.

2025 წლის ყველაზე პოპულარული მუსიკოსი კი Bad Bunny გახდა 19,8 მილიარდი სტრიმით. პუერტორიკოელი მომღერლის ამ დროისთვის ბოლო ნამუშევარი, Debí Tirar Más Fotos, წლის დასაწყისშივე, 5 იანვარს გამოვიდა, ასე რომ, 2025-ის ყველაზე პოპულარული ალბომის სტატუსიც ადვილად მოიპოვა.

სპოტიფაიზე მუსიკოსების წლევანდელი ათეული კი ასე გამოიყურება:

1. Bad Bunny
2. ტეილორ სვიფტი
3. The Weeknd
4. Drake
5. ბილი აილიში
6. კენდრიკ ლამარი
7. ბრუნო მარსი
8. არიანა გრანდე
9. არიჯიტ სინხი
10. Fuerza Regida

10 ყველაზე პოპულარული სიმღერა

მოდი, სიმღერების ათეულს ბოლოდან მოვუყვეთ...

10. ბილი აილიშის Wildflower

9. გრეისი ეიბრემზის That's So True

8. კენდრიკ ლამარის და SZA-ის luther

7. HUNTR/X-ის, EJAE-ის, AUDREY NUNA-ის, REI AMI-ის და KPop Demon Hunters Cast-ის Golden

6. sombr-ის back to friends

5. Bad Bunny-ის DtMF

4. ალექს უორენის Ordinary

3. ბრუნო მარსის და ROSÉ-ის APT.

2. ბილი აილიშის BIRDS OF A FEATHER

1. ლედი გაგას და ბრუნო მარსის Die With A Smile