"რადიო თავისუფლების" ევროპის ბიუროს ხელმძღვანელის, რიკარდ იოზვიაკი კითხვაზე, ევროკავშირის მსგავსად NATO-ც ხომ არ გეგმავს საქართველოსთან ურთიერთობების გადახედვას და კვლავ არის თუ არა საქართველო NATO-ს ასპირანტი ქვეყანა? მარკ რუტე პასუხობს, რომ საქართველოში განვითარებული მოვლენების მიმართ ძალიან შეშფოთებულები არიან.

"ევროატლანტიკურ სივრცეში ნებისმიერ ქვეყანას, რომელსაც NATO-ას წევრობა სურს, შეუძლია სურვილი გამოხატოს და შემდეგ პროცესი იწყება. არ ვარ გულუბრყვილოდ განწყობილი საქართველოში განვითარებული მოვლენების მიმართ. ჩვენ ძალიან შეშფოთებულები ვართ და ეს ცალსახად ავუხსენით ქართველებს. ჩვენ გვაქვს მათთან თანამშრომლობა. ვფიქრობ, თანამშრომლობა ემსახურება იმ მიზანს, რომ არხი გვქონდეს, რათა ჩვენი შეშფოთება ნათლად გამოვხატოთ. მოდით, ამ ყველაფერს ოდნავ ჰოლისტურად შევხედოთ, რადგან საქართველო არის, მაგრამ, ასევე, ვხედავთ იმას, რა ხდება სომხეთსა და აზერბაიჯანს შორის, რაც ბევრად უკეთეს მდგომარეობაშია იმის დამსახურებით, რასაც პრეზიდენტი ტრამპი აკეთებს. ამდენად, მე საქართველოს მთლიანი სამხრეთ კავკასიის კონტექსტში შევხედავდი", — განაცხადა მარკ რუტემ.