"დიპლომატიური ზომა "დაბარება" არ ყოფილა გამოყენებული. ჩვენს ელჩს სთხოვეს შეხვედრა სახელმწიფო დეპარტამენტში", — განაცხადა ოცნების პრემიერმა, ირაკლი კობახიძემ აშშ-ს სახდეპში აშშ-ში საქართველოს ელჩის, თამარ ტალიაშვილის დაბარებაზე.

მისი თქმით, "ელჩის დაბარება ეს არის დიპლომატიური ზომა, რომელსაც, მაგალითად პროტესტის გამოსახატად

"დაბარება ხომ იცით რაც არის? ელჩის დაბარება ეს არის დიპლომატიური ზომა, რომელსაც იყენებ რაღაცაზე, მაგალითად პროტესტის გამოსახატად. მაგალითად როდესაც ან გერმანიის ელჩი., ბრიტანეთის ელჩი, ევროკავშირის ელჩი აკეთებს სამარცხვინო განცხადებას ჩვენ ვიბარებთ ხოლმე, ჩვენ ვიბარებთ ხოლმე იმიტომ, რომ ეს არის დიპლომატიური ზომა არ ყოფილა, ეს დიპლომატიური ზომა არ ყოფილა გამოყენებული. სთხოვეს შეხვედრა ელჩს. ეს მაშინვე დაგიდასტურეთ. სთხოვენ შეხვედრა სახელმწიფო დეპარტამენტში, სადაც განიხილეს კონკრეტული საკითხები.

დიპლომატიური ზომა "დაბარება" არ ყოფილა გამოყენებული. ჩვენ ხომ ვიცით ჩვენი ელჩისგან, დიპლომატიური ზომა დაბარება არ ყოფილა გამოყენებული. მას სთხოვეს შეხვედრა სახელმწიფო დეპარტამენტში", — განაცხადა "ოცნების" პრემიერმა, ირაკლი კობახიძემ აშშ-ს სახდეპში აშშ-ში საქართველოს ელჩის, თამარ ტალიაშვილის დაბარებაზე.

ირაკლი კობახიძემ ბრიფინგზე მოუწოდა აშშ-ს სახელმწიფო დეპარტამენტს "დაგმოს მკაფიოდ ხელისუფლების დამხობის მცდელობა და დაამტკიცოს, რომ ასეთი ინტერესები არ აქვს ჩვენი ქვეყნის მიმართ".

"ჩემი მოწოდებაა სახელმწიფო დეპარტამენტის მიმართ, დაგმოს მკაფიოდ ხელისუფლების დამხობის მცდელობა და ამით ქმედითად დაამტკიცოს ქართველი ხალხის წინაშე, რომ ასეთი ინტერესები არ აქვს ჩვენი ქვეყნის მიმართ.

სახელმწიფო დეპარტამენტმა კეთილი უნდა ინებოს და დაამტკიცოს, რომ მოქმედებს არა "დიფ სთეითის" გავლენით, არამედ ამერიკელი ხალხის ობიექტური ინტერესების შესაბამისად და ამის ყველაზე მარტივი მტკიცებულება იქნებოდა ხელისუფლების დამხობის მცდელობის დაგმობა", — განაცხადა "ოცნების" პრემიერმა, ირაკლი კობახიძემ ბრიფინგზე.

აშშ-ის სახელმწიფო დეპარტამენტმა "ნეტგაზეთთან" დაადასტურა, რომ მოითხოვეს საქართველოს ელჩ თამარ ტალიაშვილთან შეხვედრა, რათა დაეფიქსირებინა წინააღმდეგობა საქართველოს მთავრობის ოფიციალური პირების მიერ გავრცელებულ ცრუ ინფორმაციასთან დაკავშირებით.

• აშშ-ის სახდეპი ადასტურებს, რომ მოითხოვეს თამარ ტალიაშვილთან შეხვედრა გაჟღერებული დეზინფორმაციის გასაპროტესტებლად

ამის შესახებ აშშ-ს სახელმწიფო დეპარტამენტმა "ნეტგაზეთს" წერილობით უპასუხა კითხვაზე — ადასტურებს თუ არა ვაშინგტონი საქართველოს ელჩის დაბარებას სახელმწიფო დეპარტამენტში, რათა შეშფოთება გამოეთქვა საქართველოს ხელისუფლების წარმომადგენლების მიერ "ტაილანდიდან რევოლუციის სავარაუდო დაფინანსების" შესახებ გაკეთებული განცხადებების გამო.

"აშშ-ის სახელმწიფო დეპარტამენტმა საქართველოს ელჩ თამარ ტალიაშვილთან შეხვედრა მოითხოვა, რათა დაეფიქსირებინა ჩვენი წინააღმდეგობა საქართველოს მთავრობის ოფიციალური პირების იმ განცხადებებთან დაკავშირებით, რომლებიც მედიის მიერ გავრცელებულ ცრუ ცნობებს აძლიერებდა. ეს ინფორმაცია არასწორად წარმოაჩენდა აშშ-ის მთავრობის მიერ ყოფილი თანამშრომლებისთვის განხორციელებულ რუტინულ ფინანსურ გადარიცხვებს.

განმარტების ძიების ნაცვლად, საქართველოს მთავრობის მაღალჩინოსნებმა ამჯობინეს მედიით გავრცელებული ამ მცდარი ინფორმაციის ტირაჟირება, რითაც აშშ-ის საელჩოს ყოფილი და მოქმედი თანამშრომლებისთვის შევიწროებისა და დაშინების ატმოსფერო შეიქმნა.

სახელმწიფო დეპარტამენტის გლობალური ფინანსური სერვისების ცენტრი ბანგკოკში ასრულებს რუტინულ, თუმცა კრიტიკულად მნიშვნელოვან როლს მთელი მსოფლიოს მასშტაბით თანხების განაწილებაში აშშ-ის მთავრობის საქმიანობის მხარდასაჭერად. ეს ფინანსური სერვისების ცენტრი გასცემს სახელფასო ანაზღაურებას ამერიკელი და ადგილობრივი თანამშრომლებისთვის, კონტრაქტორებისთვის, მასპინძელი ქვეყნების მთავრობებისა და სხვა პარტნიორებისთვის. ეს ტრანზაქციები არის რუტინული, გამჭვირვალე და ხორციელდება აშშ-ისა და მასპინძელი ქვეყნის კანონებისა და რეგულაციების სრული დაცვით", — ნათქვამია სახელმწიფო დეპარტამენტის მიერ „ნეტგაზეთისთვის“ გამოგზავნილ წერილობით პასუხში.

მანამდე "რადიო თავისუფლებამ" გაავრცელა ინფორმაცია, რომ საქართველოს ელჩი შეერთებულ შტატებში, თამარ ტალიაშვილი, აშშ-ის სახელმწიფო დეპარტამენტში დაიბარეს და შეშფოთება გამოხატეს ქართული ოცნების ხელისუფლების წარმომადგენლების ბრალდებების გამო, რომლებიც "ტაილანდიდან რევოლუციის დაფინანსებას" უკავშირდება.

მოგვიანებით, ოცნების პრემიერმა, ირაკლი კობახიძემ უარყო რადიო თავისუფლების მიერ გავრცელებული ინფორმაცია იმის შესახებ, რომ თამარ ტალიაშვილი სახელმწიფო დეპარტამენტში დაიბარეს.

"ეს არის ტყუილი, საქართველოს ელჩი აშშ-ში არ დაუბარებიათ. ამ დღეების განმავლობაში არაერთხელ მქონდა საუბარი ქალბატონ თამარ ტალიაშვილთან, მას არაერთის შეხვედრა ჰქონდა ამ დღეების განმავლობაში, მათ შორის ერთ-ერთი შეხვედრა იყო სახელმწიფო დეპარტამენტის წარმომადგენელთან. ის დაუბარებიათ არც ერთხელ. დაბარება არის სპეციალური დიპლომატიური პროცედურა. ის არ დაუბარებიათ. რაც შეეხება თვითონ კომუნიკაციას, ეს არის დახურული ინფორმაცია და ამაზე საუბარი ჩვენ არ შეგვიძლია. დახურული საუბარი დახურულ საუბრად უნდა დარჩეს", — თქვა კობახიძემ.

სუს-ის უფროსმა მამუკა მდინარაძემ იმავე "იმედთან" ინტერვიუში, 2025 წლის 1-ელ ოქტომბერს განაცხადა, რომ ტაილანდიდან ერთ-ერთი ქვეყნის საელჩოს, ანტი ჩინური მიზნებისათვის დაფინანსებული ადამიანები ჰყავს საქართველოში და თანხები "რადიკალებს" ხმარდება.