პროევროპული აქციების დროს დაკავებული 8 პირის საქმეზე დღეს, 2 სექტემბერს განაჩენი გამოცხადდება. სხდომა თბილისის საქალაქო სასამართლოში 12:00 საათზეა ჩანიშნული.

სინდისის პატიმრების საქმეზე განაჩენს მოსამართლე თამარ მჭედლიშვილი გამოაცხადებს.

პროევროპული აქციების დროს დაკავებულ ვასილ კაძელაშვილს, ვეფხია კასრაძეს და ზვიად ცეცხლაძეს ბრალდება ჯგუფური მოქმედების ორგანიზების და ხელმძღვანელობის მუხლით აქვთ წარდგენილი, რაც 6-დან 9 -წლამდე ვადით თავისუფლების აღკვეთას ითვალისწინებს.

ინსაფ ალიევს, თორნიკე გოშაძეს, ნიკოლოზ ჯავახიშვილს, ირაკლი მიმინოშვილს და გიორგი გორგაძეს კი ბრალდება ჯგუფურ ძალადობაში მონაწილეობის მუხლით აქვთ წარდგენილი და 4-დან 6 -წლამდე ვადით თავისუფლების აღკვეთას ითვალისწინებს.

დღესვე ცნობილი გახდა, ანტონ ჩეჩინის განაჩენიც. მას მოსამართლე ჯვებე ნაჭყებიამ 8 წლითა და 6 თვით პატიმრობა შეუფარდა.