არსებული მდგომარეობით, სამი უმსხვილესი კომპანიის ჩამონათვალი, რომელთა საბაზრო ლაპიტალიზაციაც 3 ტრილიონ დოლარს აღემატება ასეთია: Nvidia, Microsoft და Apple.

ბაზრის ანალიტიკოსები ფიქრობენ, რომ სამომავლოდ ამ სიას კიდევ რამდენიმე კომპანია შეუერთდება. მათ შორის სამზე, სტატიის მომდევნო ნაწილში გიყვებით:

1. Alphabet (GOOGL,GOOG)

სხვა გიგანტებს შორის 3-ტრილიონიანი მწვერვალის ყველაზე სწრაფად დაპყრობის შანსი Google-ის მშოსბელ კომპანიას, Alphabet-ს აქვს. ამისთვის მისი აქციების ღირებულება დამატებით 20%-ით უნდა გაიზარდოს. ზოგიერთი ანალიტიკოსი ფიქრობს, რომ კომპანია ამას მომდევნო წელს შეძლებს.

Google Cloud ის პროდუქტია, რომელსაც კომპანიის შესაძლო წარმატების მთავარ ფაქტორად ასახელებენ, რადგან ის ყველაზე სწრაფად მზარდი სერვისია კომპანიის სხვა მსგავს პროდუქტებს შორის. როგორც ცნობილია, 2025 წლის მეორე კვარტალში მისი შემოსავალი წლიურად 32%-ით არის გაზრდილი. აღსანიშნავია, რომ მიმდინარე წელს Alphabet ზრდის კაპიტალურ ინვესტიციებსაც, რათა დააკმაყოფილოს ძლიერი მოთხოვნა მის ეგრეთ წოდებულ ღრულბლოვან პროდუქტებსა და მოსმახურებაზე, რაც, თავის მხრივ, ხელოვნურ ინტელექტზე მაღალი მოთხოვნით არის გამოწვეული.

Alphabet-ის აღმასრულებელმა დირექტორმა თქვა, რომ ხელოვნური ინტელექტის ტექნოლოგია "ბიზნესის ყველა მიმართულებაზე დადებითად მოქმედებს". გუგლის საძიებო სისტემამ უკვე დანერგა AI Overviews და AI Mode ფუნქციები. ამასთან, AI რეკლამის განმათავსებლებს მაქსიმალური სარგებლის მიღებაში ეხმარება. გარდა ამისა, ხელოვნურ ინტელექტზეა დაფუძნებული ტექნოლოგია, რომლის საშუალებითაც Youtube ვიდეოს ხმოვან ნაწილს ტექსტად გარდაქმნის.

არსებული მდგომარეობით, მისი ერთი A კლასის აქციის ღირებულება 212.74 დოლარია. კომპანიის საბაზრო კაპიტალიზაცია $2.578 ტრილიონს უტოლდება.

2. Amazon (AMZN)

ამჟამად Amazon-ის საბაზრო კაპიტალიზაცია თითქმის იმავე დონეზეა, სადაც Alphabet-ის. სავარაუდოა, რომ ელექტრონული კომერციისა და ღრუბლოვანი სერვისების მიმწოდებელი გიგნატიც მარტივად მიაღწევს 3-ტრილიონიან ზღვარს.

ისევე როგორც Alphabet-ის შემთხვევაში, Amazon-ის მთავარი მამოძრავებელი ძალაც AI-ის ტალღაა. ამჟამად კომპანიის პლატფორმებს შორის ყველაზე დიდი საბაზრო წილს Amazon Web Services (AWS) ფლობს. მიუხედავად იმისა, რომ AWS იმდენად სწრაფად არ იზრდება, როგორც ზოგიერთი კონკურენტი, Amazon-ის შემოსავლისა და მოგების ზრდისთვის მისი სტაბილური განვითარება სავსებით საკმარისია.

აქვე უნდა გავითვალისწინოთ, რომ Amazon-ს უდიდესი შესაძლებლობები აქვს ელექტრონულ გაყიდვებშიც. ამ ბიზნესის შემოსავალი და საოპერაციო მოგება კვლავაც ორნიშნა პროცენტებით იზრდება. ბაზრის მიმოხილვა აჩვენებს, რომ საცალო გაყიდვების უმეტესობა ჯერ კიდევ ფიზიკურად, მაღაზიებში მიმდინარეობს — შესაბამისად, Amazon-ს განვითარებისთვის უზარმაზარი სივრცე აქვს.

გარდა ამისა, Amazon-ის შემოსავლის მნიშვნელოვანი წყაროა რეკლამაც. კომპანია წელს გეგმავს Project Kuiper-ის სატელიტური ინტერნეტ სერვისის გაშვებასაც. მისი შვილობილი Zoox კი რობოტაქსის ბაზარზე სერიოზულ მოთამაშედ იქცა.

არსებული მდგომარეობით, Amazon-ის ერთი აქციის შეძენა 228.70 დოლარად არის შესაძლებელი. მისი საბაზრო კაპიტალიზაცია 2.442 ტრილიონი დოლარია.

3. Meta Platforms (META)

ზემოთხსენებული კომპანიებისგან განსხვავებით Meta Platform-ს შედარებით რთული ამოცანა აქვს 3-ტრილიონიანი კაპიტალიზაციის მიღწევის გზაზე. თუმცა, ამის მიხედავად, ანალიტიკოსები ფიქრობენ, რომ ეს მხოლოდ დროის საკითხია.

არსებული მდგომარეობით, Meta-ს შემოსავლის ძირითადი ნაწილი მის პლატფორმებზე განთვასებულ რეკლამებზე მოდის — Facebook, Instagram, Messenger და WhatsApp. საქმეში ჩართულია ხელოვნური ინტელექტიც, რომელიც მუშაობს: რეკლამების მიზნობრივ რეკომენდაციებზე, მომხმარებლის ჩართულობის გაზრდაზე და კონტენტის შექმნის გამარტივებაზე.

გარდა ამისა, ზოგიერთი ანალიტიკოსი თვლის, რომ ჭკვიანი სათვალეები Meta-სთვის მომდევნო წლების უდიდესი ზრდის ფაქტორი გახდება. Ray-Ban Meta AI სათვალეების გაყიდვები სწრაფად იზრდება. ახალი Oakley Meta AI სათვალეებიც უკვე დიდი პოპულარობით სარგებლობს. კომპანიის აღმასრულებელი დირექტორი მარკ ცუკერბერგი ამ მიმართულებაზე დიდ ფსონს დებს.

უნდა ითქვას, რომ ამ კომპანიის განვითარების გზაზე ყველაზე საინტერესო და დამაინტრიგებელი ნაწილი AI სუპერინტელექტში მისი მასშტაბური ინვესტიციაა. ანალიტიკოსები ამბობენ, რომ თუ კომპანია ამ მიმართულებით წარმატებას მიაღწევს, მისი საბაზრო კაპიტალიზაცია 3 ტრილიონ დოლარს მნიშვნელოვნად გადააჭარბებს.

არსებული მდგომარეობით, Meta-ს ერთი აქციის ღირებულება 737.79 დოლარია. კომპანიის საბაზრო კაპიტალიზაცია 1.856 ტრილიონს უტოლდება.

აქვე გეტყვით, რომ ამ და სხვა კომპანიების აქციების შეძენა მარტივად, თიბისის მობაილბანკშია შესაძლებელი. გაითვალისწინე, რომ ეს არ არის ფინანსური რჩევა და საინვესტიციო გადაწყვეტილების მიღებამდე კიდევ უფრო სიღრმისეული კვლევა ჩაატარე.

ამასთან, შემოგვიერთდი ჯგუფში ინვესტიციები — ვაჭრობა საფონდო ბირჟაზე და ერთად განვიხილოთ საინვესტიციო სიახლეები და მიმდინარე ამბები.