"უსახლკაროები დაუყოვნებლივ უნდა წავიდნენ [ვაშინგტონიდან]. საცხოვრებელს მოგცემთ, მაგრამ დედაქალაქიდან შორს", — ამის შესახებ აშშ-ს პრეზიდენტი დონალდ ტრამპი სოციალურ ქსელში წერს. მისი თქმით, კრიმინალებს არ მოუწევთ ქვეყნიდან წასვლა, მათ ციხეში ჩასვამენ.

"ხვალ თეთრ სახლში პრესკონფერენციას ვმართავთ. ვაპირებ, ჩვენი დედაქალაქი უფრო უსაფრთხო და ლამაზი გავხადო, ვიდრე ოდესმე იყო. უსახლკაროები დაუყოვნებლივ უნდა წავიდნენ [ვაშინგტონიდან]. საცხოვრებელს მოგცემთ, მაგრამ დედაქალაქიდან შორს. კრიმინალებს არ მოუწევთ წასვლა [ვაშინგტონიდან]. ციხეში ჩაგსვამთ, სადაც თქვენი ადგილია. ეს ყველაფერი ძალიან სწრაფად მოხდება, ისევე როგორც საზღვარზე მოხდა. ბოლო რამდენიმე თვის განმავლობაში მილიონობით ადამიანის შემოსვლიდან ნულამდე დავედით. ეს უფრო ადვილი იქნება — მოემზადეთ! "მისტერ კარგი ბიჭი" აღარ იქნება. ჩვენ გვინდა, რომ ჩვენი დედაქალაქი დავიბრუნოთ", — წერს დონალდ ტრამპი სოციალურ ქსელში.