საქართველოსთვის უვიზო რეჟიმის შეჩერებასთან დაკავშირებით "რადიო თავისუფლების" ევროპის ბიუროს ხელმძღვანელი ვრცელ სტატიას აქვეყნებს, სადაც ვიზალიბერალიზაციის გაუქმებასთან დაკავშირებით საქართველოში მიმდინარე მოვლენები დეტალურად არის განხილული.

სტატიაში აღნიშნულია, რომ ევროკავშირი მკაცრად "ლაპარაკობს, თუმცა რბილად მოქმედებს".

რიკარდ იოზვიაკი გადაწყვეტილების მიღების შესაძლო თარიღზეც წერს და აღნიშნავს, რომ როგორც ჩანს, წევრ სახელმწიფოებს ურჩევნიათ, ვიზების შეჩერების მექანიზმთან დაკავშირებით, ევროკომისიის შემდეგ ანგარიშს დაელოდონ.

"ევროკავშირის საგარეო საქმეთა მინისტრები არაოფიციალურ შეხვედრას დანიაში 29-30 აგვისტოს გამართავენ, ხოლო სექტემბერში, ნიუ-იორკში, გაეროს გენერალური ასამბლეის ფარგლებში კვლავ შეხვდებიან, თუმცა მათი პირველი ოფიციალური შეხვედრა, რომელზეც შესაძლებელია რაიმე კონკრეტული გადაწყვეტილების იქნეს მიღებული, 20 ოქტომბერს გაიმართება.

როგორც ჩანს, წევრ სახელმწიფოებს ურჩევნიათ, ვიზების შეჩერების მექანიზმთან დაკავშირებით, ევროკომისიის შემდეგ ანგარიშს დაელოდონ, რომელიც შემოდგომაზეა დაგეგმილი, ან წლიური გაფართოების ანგარიშებს, რომლის გამოქვეყნებასაც კომისია წლის ბოლოს გეგმავს და რომელშიც ევროკავშირის კანდიდატ ქვეყნების წინსვლა იქნება შეფასებული.

როგორც მინისტერიალმა აჩვენა, როცა კონსენსუსი არ არსებობს, ბრიუსელი, როგორც წესი, ცდილობს დრო მოიგოს და გადაწყვეტილების მიღება გადადოს.", — წერს იოზვიაკი.