თბილისის მერობის კანდიდატი ქართული ოცნებიდან, კახა კალაძე გამარჯვების შემთხვევაში, თბილისის მერიის ბიუჯეტიდან ღვიძლის ტრანსპლანტაციის დაფინანსებას გეგმავს. ამის შესახებ მან ჯანდაცვის მიმართულებით პროგრამის პრეზენტაციის დროს ისაუბრა.

"ეს ბევრი ჩვენი მოქალაქის სიცოცხლის გადარჩენას ნიშნავს. თქვენ იცით, რომ ეს საკმაოდ ძვირადღირებული ოპერაციაა და გადავწყვიტეთ, რომ ის ადამიანები, ვისაც ეს ესაჭიროება, თბილისის მერიამ, მუნიციპალიტეტმა დააფინანსოს", - თქვა მერობის კანდიდატმა.

მისივე თქმით, დაავადებათა სკრინინგის პროგრამას დაემატება ფარისებრი ჯირკვლის კიბოს სკრინინგის, ხოლო ტრანსპლანტაციის პროგრამას - ღვიძლის ტრანსპლანტაციის კომპონენტი.