"ევროპული საბჭო და ევროპარლამენტი შეთანხმდნენ შენგენის ზონაში უვიზო მიმოსვლის შეჩერების მექანიზმის განახლებაზე", — ამის შესახებ აღნიშნულია ევროკავშირის თავმჯდომარე ქვეყნის პოლონეთის X-ზე. "მექანიზმების განახლება" უფრო გამარტივებულ პროცედურას გულისხმობს.

"ევროპული საბჭო და ევროპარლამენტი შეთანხმდნენ მექანიზმის განახლებაზე, რომელიც საშუალებას აძლევს ევროკავშირს შეაჩეროს უვიზო მიმოსვლა შენგენის ზონაში მოგზაურობისას ვიზაზე განაცხადის შეტანისგან გათავისუფლებული პირებისთვის.

ეს შესწორებული კანონი ხელს შეუწყობს უვიზო მიმოსვლის ბოროტად გამოყენებაზე უკეთ რეაგირებას," — აღნიშნულია ევროკავშირის საბჭოს პოლონეთის თავმჯდომარეობის X ზე.

ამას გარდა, რადიო თავისუფლების ევროპის ბიუროს რედაქტორი რიკარდ იოზვიაკი წერს, რომ აღნიშნულ საკითხზე კენჭისყრა მალე გაიმართება.

"ევროკავშირის წევრმა სახელმწიფოებმა და ევროპარლამენტმა ახლახან მიაღწიეს შეთანხმებას, მესამე ქვეყნებთან სავიზო რეჟიმის შეჩერების გამარტივებული პროცედურების შესახებ. კერძოდ, დამატებულია ადამიანის უფლებების სერიოზული დარღვევები. კენჭისყრა მალე გაიმართება", — წერს იოზვიაკი.