ტვ პირველის ინფორმაციით, კოალიცია ცვლილებისთვის ერთ-ერთი ლიდერი ნიკა მელია დააკავეს.

მელიას ადვოკატმა, გიორგი კონდახიშვილმა ტვ პირველთან საუბრისას განაცხადა, რომ პოლიტიკოსი პოლიციის ეკიპაჟმა გააჩერა ლისის ტერიტორიაზე და ახსნა-განმარტების გარეშე დააკავეს. ადვოკატს ჯერჯერობით არ აქვს ინფორმაცია, თუ რასთან არის მისი დაკავება დაკავშირებული.

"ლისის ტბის მიმდებარე ტერიტორიაზე მიდიოდა გადაცემაში გადაცემაში მონაწილეობის მისაღებად. გადააყენა საპატრულო პოლიციის ეკიპაჟმა და შემდგომ უკვე ყოველგვარი ახსნა-განმარტების გარეშე რამდენიმე პოლიციელმა, მათ შორის კრიმინალური პოლიციის თანამშრომლებმა ძალისმიერი მეთოდებით დააკავეს და ყოველგვარი ახსნა-განმარტების წაიყვანეს გაურკვეველი მიმართულებით. გაუგებარია რასთან არის ეს დაკავშირებული, რადგან მას არცერთ საქმეში აღკვეთის ღონისძიება შეცვლილი არ აქვს და რაშთან არის მისი დაკავება დაკავშირებული ჩემთვის უცნობია. ფაქტობრივად მოიტაცეს. აგრესიულად და ახსნა-განმარტების გარეშე მოქმედებდნენ," — განაცხადა გიორგი კონდახაშვილმა.

ნიკა მელიას ქართული ოცნების პარლამენტის დროებით საგამოძიებო კომისიაზე არ გამოცხადებას ედავებიან. მელიას სასამართლო ხვალ 14:00-ზე იყო ჩანიშნული — პოლიტიკოს გირაოს გადახდის ვადა დღეს ეწურებოდა.

ნიკა მელიას ბრალდება სისხლის სამართლის კოდექსის 349-ე მუხლით წარედგინა, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს. ამ მუხლით ბრალდებული ყოფილი თავდაცვის მინისტრი ირაკლი ოქრუაშვილი და "კოალიცია ცვლილებებისთვის" ლიდერი ზურაბ გირჩი ჯაფარიძე დაკავებული არიან.