მეტროპოლ ლისი თანამედროვე სისტემებით აღჭურვილი ჭკვიანი დასახლება იქნება.

დეველოპერულმა კომპანია მეტროპოლმა კერძო დასახლების პირველი პროექტი დაიწყო. ლისის ტბის მიმდებარე ტერიტორიაზე, 7 000 M2 ფართობზე 70-ამდე ვილა განთავსდება. მისი ჯამური საინვესტიციო მოცულობა 40 მლნ. ლარია. პროექტის ერთ-ერთი ბენეფიტი სახლის პროექტია, რომელსაც ქალაქის გამორჩეულ უბანში მიწის მფლობელი მეტროპოლისგან საჩუქრად მიიღებს. კომპანია ამჯერადაც სრულად მომხმარებლის ინტერესს ერგება, სთავაზობს მას უსაფრთხო და კეთილმოწყობილ გარემოს, ხოლო მესაკუთრე თავად ირჩევს, როგორი ტიპის სახლში უნდა ცხოვრება.

მეტროპოლ ლისის პროექტისათვის დეველოპერის არქიტექტორებმა პოტენციური მობინადრეებისთვის ექსკლუზიურად შეიმუშავეს ხუთი სხვადასხვა პროექტი. მესაკუთრეს შეეძლება თავად გადაწყვიტოს, როგორი არქიტექტურული დიზაინის სახლია მისთვის კომფორტული. მეტროპოლი მომხმარებლებს დამატებით სერვისსაც სთავაზობს და სურვილის შემთხვევაში სახლს თავად აუშენებს.

გიორგი მხეიძე — მეტროპოლის გენერალური დირექტორი: “ჩვენი მიზანია ბიზნესპორტფელის დივერსიფიცირება და მომხმარებლისათვის ფართო არჩევანის შეთავაზება. იქნება ეს საცხოვრებლად ან საინვესტიციოდ განკუთვნილი ბინები მრავალფუნქციურ კომპლექსებში, თუ კერძო დასახლებები ქალაქის ცენტრთან ახლოს. სწორედ ამ კონცეფციით შეიქმნა მეტროპოლ ლისის პროექტი, რომელიც 2026 წლის ბოლოს დასრულდება და მეტროპოლის ბრენდის ქვეშ ახალი დასახლება და ჩვენი კომპანიის პირველი სუბურბანული კომპლექსი მეტროპოლ ლისი გაჩნდება.

სახლები მშვიდ და ეკოლოგიურად უსაფრთხო ადგილას — ასეთია ჩვენი ჩანაფიქრი, დანარჩენს უკვე მომხმარებლის სურვილებს მოვარგებთ.

რაც შეეხება ზოგადად ახალი უბნის განაშენიანებას, ეს ნაწილი დეტალურად გათვლილია. მეტროპოლ ლისის მცხოვრებლები კეთილმოწყობილი სარეკრეაციო სივრცით ისარგებლებენ. გვინდა, დასახლების სრული ინფრასტრუქტურა თანამედროვე ცხოვრების სტილს მოვარგოთ“.

სუფთა ჰაერზე და მშვიდ გარემოში მდებარე ახალ უბანში სულ 70-ამდე ვილა აშენდება. მიწის ნაკვეთების მინიმალური ფართობი 600 M2-ია და 1500-ამდე ადის. საერთო გამოყენებისთვის განსაზღვრულია 3600 M2 ტერიტორია. მეტროპოლ ლისის გამწვანებულ ზონაში მოეწყობა მრავალფეროვანი და ფუნქციურად დატვირთული საბავშვო და სპორტული სივრცეები, ფანჩატურები, ველობილიკი და ღია კინოთეატრი. განსაკუთრებული მდებარეობის გათვალისწინებით, მომხმარებელს ხედის ფართო არჩევანი აქვს: ლისის ტბა, თბილისის ანძა და ხედი ქალაქზე.

კომპლქსი მდებარეობს საზოგადოებრივი ტრანსპორტის გაჩერებიდან 450 მეტრ მანძილზე, რაც მისი მცხოვრებლებისა თუ მათი სტუმრების გადაადგილებისტვის მეტად კომფორტულია.

ტერიტორიაზე მეტროპოლს მიწის დამუშავების სამუშაოებია დაწყებული. უკვე შემოღობილია სივრცე და გარე განათებების შერჩევა მიმდინარეობს.

მამუკა იმედაშვილი — მეტროპოლის გენერალური დირექტორის მოადგილე: “გვინდა, ქალაქის ცენტრთან ახლოს ცხოვრების გამოცდილება სრულიად შევცვალოთ და ჩვენი მომხმარებლისთვის უფრო სასიამოვნო გავხადოთ. შესაბამისად, დაგეგმარების ეტაპზევე გავითვალისწინეთ ისეთი დეტალები, როგორებიცაა კეთილმოწყობილი გარემო ავტომატიზაციისა და ჭკვიანი სახლის უახლესი სისტემებით, საერთო სივრცეების კონტროლი, ავტომობილის სანომრე ნიშნის ამომცნობი, საპარკინგე ბარიერის მართვა თუ უსაფრთხოების სისტემები. აღსანიშნავია ისიც, რომ ტერიტორიაზე დამონტაჟდება ელექტროდამტენები. მეტროპოლ ლისი ბაზარზე სრულიად თანამედროვე, გამორჩეული სუბურბანული პროექტი იქნება“.

მეტროპოლ ლისის პროექტი უკვე ჩაშვებულია და წინასწარი გაყიდვებიც დაწყებულია. კომპანიაში აცხადებენ, რომ უძრავი ქონების შესაძენად ეს ყველაზე ხელსაყრელი პერიოდია, რადგან მომხმარებელი ფასდაკლებითა და გადახდის შეღავათიანი პირობებით სარგებლობს. პროექტში კვადრატული მეტრის ფასი $159-$225-ია. თუმცა, საწყის ეტაპზე შეძენის შემთხვევაში მომხმარებელი 1 M2-ზე $10-იან ფასდაკლებას მიიღებს. მეტროპოლ ლისის პროექტში სულ 70-ამდე მიწის ნაკვეთი გაიყიდება და, გაზრდილი მოთხოვნის პირობებში, კომპანიაში გაყიდვების სწრაფ ზრდას ვარაუდობენ.

მეტროპოლ ლისი კერძო დასახლების პირველი პროექტია მეტროპოლისთვის, თუმცა, არა ერთადერთი. უახლოეს პერიოდში დაიწყება მშენებლობა შინდისშიც, სადაც 90 ჰექტარ მიწის ფართობზე დაახლოებით 700-ამდე ვილა განთავსდება. პროექტში წინასწარი გაყიდვები ივნისიდან დაიწყება.

სამშენებლო კომპანია მეტროპოლი თბილისსა და ბათუმში ოპერირებს. დეველოპერს ამჟამად ერთი დასრულებული და ექვსი მიმდინარე პროექტი აქვს.

მეტ­რო­პო­ლის შე­სა­ხებ: დე­ვე­ლო­პე­რუ­ლი კომ­პა­ნია მეტ­რო­პო­ლი სა­ქარ­თვე­ლო­ში 2022 წელს და­ფუძნ­და. კომ­პა­ნიას ქვეყ­ნის მას­შტა­ბით შვიდი პრო­ექტი აქვს. თბი­ლის­ში მეტროპოლ ბაგები უკვე დასრულებულია. ასევე მიმდინარეობს მეტ­რო­პოლ ქავ­თა­რა­ძი­სა და მეტ­რო­პოლ ორ­თა­ჭა­ლiს მშე­ნებ­ლო­ბა. 2025 წელს დაიწყო კომპანიის პირველი სუბურბანული პროექტის მეტროპოლ ლისის მშენებლობა. ბა­თუმ­ში კი მეტ­რო­პოლ კუბი და მეტ­რო­პოლ ოვა­ლი შენ­დე­ბა, სა­დაც ფრან­გულ კომ­პა­ნი­ას­თან, Louvre Hotels Group-თან თა­ნამ­შრომ­ლო­ბით 5 ვარ­სკვლა­ვი­ა­ნი სას­ტუმ­რო Royal Tulip გან­თავ­სდე­ბა. ბა­თუმ­ში­ვე და­ი­წყო ახა­ლი პრო­ექ­ტის პა­რა­ლე­ლის მშე­ნებ­ლო­ბა, რო­მე­ლიც სა­ცხოვ­რე­ბე­ლი კორ­პუ­სი იქ­ნე­ბა პა­ნო­რა­მუ­ლი ხე­დე­ბით.

მეტ­რო­პო­ლის მშე­ნებ­ლო­ბე­ბის ჯა­მუ­რი ფარ­თი 545 000 კვ.მ-ზე მე­ტია და მთლი­ა­ნო­ბა­ში 3500 ბი­ნას მო­ი­ცავს. მისი ჯა­მუ­რი ინ­ვეს­ტი­ცი­ის მო­ცუ­ლო­ბამ 1 მილიარდ ლარს გადააჭარბა.