თაივანმა არმია მზადყოფნაში მოიყვანა და ჩინეთი "საფრთხის მაღალი ხარისხის" შექმნაში დაადანაშაულა. ჩინეთის სახალხო რესპუბლიკის არმია კუნძულის სიახლოვეს სამხედრო წვრთნებს ატარებს — თაივანის სამხრეთით 40 საზღვაო მილში 32-მა ჩინურმა სამხედრო ავიაგამანადგურებელმა წვრთნები გამართა.

თაივანის თავდაცვის სამინისტროს განცხადებაში ვკითხულობთ, რომ არმიამ უპასუხა საზღვაო, საჰაერო და სახმელეთო ჯარების მონიტორინგის რეჟიმზე გადაყვანით და თუ ეს საჭირო იქნება, შესაბამისი პასუხის გაცემის ბრძანებაც გაიცა.

"ჩინეთის არმიამ თავხედურად დაარღვია საერთაშორისო ნორმები ქაოჰსიუნგიდან და ფინთუნიდან სამხრეთით 40 საზღვაო მილის მანძილზე წვრთვნების ჩატარებით, წინასწარი გაფრთხილების გარეშე. გარდა იმისა, რომ ამ ნაბიჯმა საფრთის ქვეშ დააყენა საერთაშორისო ფრენები და გემები, ასევე, ეს რეგიონული უსაფრთხოებისა და სტაბილურობის დამაზიანებელი პროვოკაციაა", — ვკითხულობთ თაივანის თავდაცვის სამინისტროს განცხადებაში.

ჩინეთის საგარეო საქმეთა სამინისტრომ ტაივანთან დაკავშირებით კომენტარისგან თავი შეიკავა და აღნიშნა, რომ ჩინეთის სამხედრო ძალებმა "საცეცხლე წვრთნისთვის" სწავლების ზონა შექმნეს.