ჯგუფ დაიტოვეში საბა სხვიტარიძის ძმა, თორნიკე სხვიტარიძე წერს, რომ ის გზის გადაკეტვისთვის 5000 ლარით დააჯარიმეს.

მისი თქმით, სატელეფონო საუბროსას აუხსნეს, რომ პოლიციას გზა გადაკეტილი არ ჰქონდა, "უბრალოდ ეყენა პოლიციის მანქანები გზაზე, რომლებიც რუსთაველს კეტავდნენ".

"ახლა დამირეკეს და დამაჯარიმეს 5000 ლარით. თურმე გზას ვკეტავდი 13 თებერვალს 22:00 საათზე.

თურმე პოლიციას ჰქონდა მანქანით გზა ჩაკეტილი, მაგრამ გზა გადაკეტილი არ იყო, უბრალოდ ეყენა პოლიციის მანქანები გზაზე, რომლებიც რუსთაველს კეტავდნენ, მაგრამ უბრალოდ დააპარკინგეს.

რომ ვუთხარი, არ ვიცი, ვიყავი იქ თუ არა მაგ დროს მეთქი, — როგორ არ იციო.

მეც ვკითხე: "13 თებერვალს სად იყავით 22:00 საათზე, გახსოვთ?" — დუმილის მეტი არაფერი არ ყოფილა.

მხოლოდ, 5000 ლარიანი ჯარიმა ფოსტით მოგიტანონ თუ შენ მოხვალო," — დაწერა თორნიკე სხვიტარიძემ ჯგუფ დაიტოვეში.


შეგახსენებთ, რომ თორნიკე სხვიტარიძის ძმა — სამოქალაქო აქტივისტი საბა სხვიტარიძე სისხლის სამართლის წესით 5 დეკემბერს დააკავეს. მას ბრალად პოლიციელის ჯანმრთელობის ხელყოფა წარუდგინეს. თბილისის საქალაქო სასამართლომ 6 დეკემბერს სხვიტარიძეს აღკვეთის ღონისძიების სახით პატიმრობა შეუფარდა.

ასევე იხილეთ: