NATO-ს გენერალურმა მდივანმა, მარკ რუტემ, დავოსში სომხეთის პრემიერმინისტრთან, ნიკოლ ფაშინიანთან შეხვედრის შემდეგ სოციალურ ქსელში დაწერა, რომ "სამხრეთ კავკასიის რეგიონი ჩვენი გლობალური უსაფრთხოებისთვის მნიშვნელოვანია".

გავრცელებული პოსტის მიხედვით, რუტემ ფაშინიანთან NATO-სა და სომხეთს შორის დიალოგისა და თანამშრომლობის გაგრძელების საკითხი განიხილა.

"სამხრეთ კავკასიის რეგიონი ჩვენი გლობალური უსაფრთხოებისთვის მნიშვნელოვანია. სომხეთსა და აზერბაიჯანს შორის ხანგრძლივი მშვიდობის ხელშეწყობის ძალისხმევას მხარს ვუჭერ", — წერს რუტე X-ზე.