შინაგან საქმეთა სამინისტროს ინფორმაციით, რუსთაველის გამზირზე დაპირისპირებისას ორი ადამიანი ადმინისტრაციული წესით დააკავეს. როგორც უწყებაში აცხადებენ ჯგუფური ძალადობის ფაქტზე გამოძიება სისხლის სამართლის კოდექსის 126-ე ძალადობის მუხლით დაიწყო.

NEWS.On.ge-ის ჟურნალისტის ინფორმაციით, დღის განმავლობაში შემჩნეული მოძალადე პირები, სავარაუდოდ ტიტუშკები, რომლებიც მეტროში აქციის მონაწილეებს დაუპირისპირდნენ, შემდგომში რუსთაველის გამზირზე გამოჩნდნენ და მოქალაქეების პროვოცირებას აგრძელებდნენ.

ისინი საპატრულო პოლიციის თანამშრომლებმა ერთ-ერთი საცხოვრებელი სახლის ეზოში განარიდეს, რის შემდეგადაც გაიყვანეს მიმდებარე ტერიტორიიდან. მომიტინგეების და ჟურნალისტების კითხვაზე, განარიდეს თუ დააკავეს მოძალადეები, პოლიციამ პასუხი არ გასცა.