მარკ რუტეს, NATO-ს გენერალურ მდივანს, საქართველოში მიმდინარე პროცესებსა და უწყვეტ აქციებზე პრესკონფერენციაზე კითხვა დაუსვეს, რაზეც უპასუხა:

"ძალადობის შესახებ ცნობები ღრმად შემაშფოთებელია და მათ ცალსახად ვგმობ. მოვუწოდებ მთავრობას, გააკეთოს ყველაფერი, რათა მშვიდობა და სტაბილურობა აღადგინოს და ვფიქრობ, რომ ეს ყველა ქართველის ინტერესში შედის.

NATO არის დემოკრატიასა და ღირებულებებზე აგებული ალიანსი, რომლებიც თავისუფლებასა და დემოკრატიას ეფუძნება, როგორც ცნებას, თუმცა ასევე როგორც ყოველდღიურ რეალობას. მტკიცედ მწამს, რომ ჩვენი კოლექტიური მშვიდობისა და კეთილდღეობის საფუძველს ეს ღირებულებები წარმოადგენს."

რუტეს თქმით, მოკავშირეებისთვის ნებისმიერი ქმედება, რომელიც ძირს უთხრის საქართველოში დემოკრატიის წინ წაწევას, მიუღებელია. ისინი საქართველოს ხელისუფლებას იმ გზაზე დარჩენისკენ მოუწოდებენ, რომელიც რამდენიმე წლის წინ აირჩია.