დღეს, 12 ნოემბერს, NATO-ს გენერალურმა მდივანმა მარკ რუტემ, საფრანგეთის პრეზიდენტ ემანუელ მაკრონთან გამართულ შეხვედრაზე დასავლელ მოკავშირეებს უკრაინისთვის მეტი დახმარების გაწევისკენ მოუწოდა, იმ მიზეზად, რომ "კონფლიქტის ტრაექტორია შეიცვალოს".

"ჩვენ გვჭირდება, რომ პუტინისა და მისი გზის მიმცემი ავტორიტარი მეგობრებისთვის [გადასახდელი] საფასური გავზარდოთ უკრაინისთვის ისეთი დახმარების გაწევით, რომელიც მას კონფლიქტის ტრაექტორიის შესაცვლელად სჭირდება", — განაცხადა რუტემ.

NATO-ს გენერალურმა მდივანმა არ განმარტა მიზნის მისაღწევად როგორი ტიპის შეიარაღებისა და სამხედრო აღჭურვილობის მიწოდებაა საჭირო, თუმცა დასძინა, რომ რუსეთის დაახლოება თავის მოკავშირე ჩინეთთან, ჩრდილოეთ კორეასთან და ირანთან არის "ძალიან შემაშფოთებელი".

"რუსეთი ჩრდილოეთ კორეასთან, ირანთან და ჩინეთთან თანამშრომლობით არა მხოლოდ ევროპას უქმნის საფრთხეს, არამედ მშვიდობასა და უსაფრთხოებასაც ემუქრება, დიახ, აქ ევროპაში, მაგრამ ასევე ინდოეთისა და წყნარი ოკეანეების რეგიონში, და ჩრდილოეთ ამერიკაში", — თქვა რუტემ.

ამასთან, მაკრონმა თავის მხრივ დასძინა, რომ იმის პასუხად რასაც "აშშ-ს ადმინისტრაცია სწორად მოელის" და NATO-სთვის, მნიშვნელოვანია ძლიერი ევროპა. ამ სიტყვებში საფრანგეთის პრეზიდენტმა, სავარაუდოდ, დონალდ ტრამპის მეორე ვადით გაპრეზიდენტება იგულისხმა.