ბორჯომში, წაღვერის ტყეში, სოფელ დაბის მიმდებარე ტერიტორიაზე ხანძარია. როგორც On.ge-ს ადგილზე მყოფებმა აცნობეს, ცეცხლი დაახლოებით ერთი საათია რაც გაჩნდა და ქარიანი ამინდი მის გავრცელებას ხელს უწყობს.

შინაგან საქმეთა სამინისტროს პრესსამსახურის ინფორმაციით, ამ დროისთვის მთის მიუვალ ფერდობზე ხანძრის ჩასაქრობად ვერტმფრენი ერთვება. ადგილზე ასევე მობილიზებული სახანძრო-სამაშველო ჯგუფები.

ეროვნული სატყეო სააგენტოს განცხადებით, ცეცხლი 2008 წლის რუსეთ-საქართველოს ომის დროს გადამწვარი ტყის ფართობს უკიდია, ხანძარი დაახლოებით 500 კვადრატულ მეტრზეა გავრცელებული.

ფოტო: ირაკლი ღამბაშიძე

ფოტო: ირაკლი ღამბაშიძე

რაც შეეხება თბილისში, ლისის ტბაზე ცოტა ხნის წინ გაჩენილ ხანძარს, შსს-ს ცნობით, ის უკვე ლოკალიზებულია.