1-ელ ნოემბერს, სერბეთში, ქალაქ ნოვი სადის რკინიგზის სადგურზე მოულოდნელად ბეტონის საფარი ჩამოიშალა, რასაც 14 ადამიანი ემსხვერპლა, ხოლო 3 დაშავდა, რასაც საზოგადოების პროტესტი მოჰყვა.

აქციის მონაწილეებმა სერბეთის დედაქალაქ ბელგრადში საპროტესტო მსვლელობა გამართეს და სამთავრობო შენობის შესასვლელებთან ხელის წითელი ანაბეჭდები დატოვეს. მათი მოთხოვნა იმ ოფიციალური პირების დაპატიმრებაა, რომლებიც უბედურ შემთხვევაში არიან პასუხისმგებლები.

"ისინი, ვინც პასუხისმგებლები არიან, მე გარწმუნებთ, რომ დაისჯებიან", — ამის შესახებ განაცხადა ქვეყნის პრეზიდენტმა, ალექსანდრ ვუჩიჩმა.

Euronews-ის ცნობით, პროტესტის რამდენიმე ათასი მონაწილე მინისტრებს, მათ შორის პრემიერმინისტრ მილოშ ვუჩევიჩს დაუყოვნებლივ გადადგომისკენ მოუწოდებენ.

"ჩვენ აღვნიშნეთ დღეს პასუხისმგებლობის დაყენება მათი, ვინც მთავრობაში და სამინისტროებში ზის და რომლებიც პასუხისმგებელნი არიან მომხდარ ტრაგედიაში", — განაცხადა ერთ-ერთმა პროტესტის მონაწილემ, ივან ბჟელიკმა.

სერბეთის რკინიგზის სადგური ბოლო წლების განმავლობაში ორჯერ იქნა რესტავრირებული. სერბეთის მთავრობის კრიტიკოსები კატასტროფას კორუფციას, გამჭვირვალობის ნაკლებობასა და დაუდევრად შესრულებულ რემონტს მიაწერენ.

აღსანიშნავია, რომ სერბეთის რკინიგზის სადგურის სარემონტო სამუშაოებში ჩინურმა სამშენებლო კომპანიებმა შეასრულეს.