კოალიცია ძლიერი საქართველოს ლიდერმა, მამუკა ხაზარაძემ საარჩევნო უბანზე საკუთარი ხმა დააფიქსირა.

"მოგესალმებით ყველას. დღეს მნიშვნელოვანი დღეა ჩვენი ქვეყნისთვის, ჩვენი შვილების მომავლისთვის. მე ხმა მივეცი რეალურ ალტერნატივას ამ ქვეყანაში, იმ პერიოდის დაწყებას, როცა ქვეყანაში დაიწყება ნამდვილი რეფორმები და ჩვენ ვიქნებით ევროპის ნამდვილი ნაწილი, ძლიერად წარმოდგენილი თავისუფალ სამყაროში და დაიწყება ძირეული ცვლილებები ჩვენი ქვეყნისათვის. ჩემი მოლოდინი არის ძალიან ოპტიმისტური, მინდა მადლობა გადავუხადო ყველას — ემიგრაციიდან დაწყებული, დამთავრებული ჟურნალისტებითა და ნებისმიერი ადამიანით, ვისაც წელს პირველად მოუწევს ხმის მიცემა. დიდი მადლობა მოქალაქეობრივი პასუხისმგებლობისთვის, რადგან ეს არის გადამწყვეტი არჩევნები ჩვენი ქვეყნისთვის, დარწმუნებული ვარ ჩვენს სწორ არჩევანში, რომელიც იქნება ევროპისკენ, სტაბილური მშვიდობისკენ და რაც ყველაზე მთავარია, რეალური ალტერნატივისკენ", — განაცხადა მამუკა ხაზარაძემ.