დღეს, თურქეთის ავიახაზების პილოტი, სიეტლიდან სტამბულის მიმართულებით რეისის შესრულებისას გარდაიცვალა.

„როდესაც თვითმფრინავში ჩვენი კაპიტნისთვის პირველადი დახმარება წარუმატებელი აღმოჩნდა, ეკიპაჟმა გადაწყვიტა გადაუდებელი დაშვება, მაგრამ ის დაშვებამდე გარდაიცვალა“, — წერს ავიაკომპანიის სპიკერი სოციალურ ქსელ X-ზე.

Airbus A350 თვითმფრინავი ნიუ-იორკში დაეშვა.

უკანასკნელი ცნობებით ვიგებთ, რომ 59 წლის კაპიტან ილჩეჰინ ფეჰლივანს რეგულარული ჯანმრთელობის შემოწმება უტარდებოდა. მარტში ჩატარებული გამოკვლევებით, მას ჯანმრთელობის გარკვეული პრობლემები აღმოაჩნდა.

ჯერ-ჯერობით უცნობია თუ რამ გამოიწვია პილოტის სიკვდილი.

მფრინავებს 12 თვეში ერთხელ უტარდებათ სამედიცინო შემოწმება, ხოლო 40 წელზე უფროსი ასაკის პირებს სამედიცინო მოწმობის განახლება უწევთ ექვს თვეში ერთელ. გარდაცვლილ პილოტს მარტში ჩატარებული კვლევებით ჯანმრთელობის გარკვეული პრობლემები აღმოაჩნდა.