ქედაში, სოფელ ბზუბზუსთან ავტოსაგზაო შემთხვევა მოხდა.

თვითმხილველების ინფორმაციით ავტომობილი ხევში გადავარდა. დაიღუპა მცირეწლოვანი, ხოლო დაშავებულები, რომლებიც სავარაუდოდ 1 ოჯახის წევრები არიან, სასწრაფო დახმარების მანქანამ საავადმყოფოში გადაიყვანა.

შსს-ს ინფორმაციით ფაქტზე გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. უწყების ცნობით, დაკავებულია მძღოლი, რომელმაც სავარაუდოდ, საავარიო სიტუაცია შექმნა.