წაღვერში, არჯევანიძის ტყესთან დაახლოებით 6 000 კვ.მ-ის ფართობი იწვის.

საგანგებო სიტუაციების მართვის სააგენტოს ცნობით, ადგილზე მობილიზებული არიან 100–ზე მეტი სახანძრო-სამაშველო ჯგუფები და დაწყებულია ხანძრის ქრობის პროცესი. სააგენტოს ცნობით, ჯგუფების რაოდენობა ყოველ წუთს იზრდება, ასევე, პროცესში ჩაერთო სასაზღვრო პოლიციის ვერტმფრენი.

ხანძრის გამომწვევი მიზეზი და სხვა დეტალები ჯერ-ჯერობით უცნობია.

განახლება: საგანგებო სიტუაციების მართვის სააგენტოში ამბობენ, რომ ამ ეტაპზე ხანძრის გავრცელების საშიშროება დასახლებულ პუნქტებში არ არსებობს, თუმცა ხანძარი ლოკალიზებული არ არის.