მოკლედ: რუსეთში, ივანოვოს ოლქში, აეროდრომიდან აფრენისას, სამხედრო-სატრანსპორტო თვითმფრინავი ილ-76 ჩამოვარდა, ინფორმაციას რუსეთის თავდაცვის სამინისტროზე დაყრდნობით, ადგილობრივი მედია ავრცელებს.

დეტალები: სამინისტროს ცნობით, ბორტზე ეკიპაჟის 8 წევრი და 7 მგზავრი იმყოფებოდა.

  • თვითმფრინავს გეგმიური ფრენა უნდა შეესრულებინა.
  • ავიაკატასტროფა, მოსკოვის დროით, დაახლოებით, 13:00 საათზე მოხდა. მიზეზი ერთ-ერთ ძრავში გაჩენილი ხანძარი გახდა.
  • ადგილზე გაფრინდა რუსეთის საჰაერო კოსმოსური ძალების უმაღლესი სარდლობის კომისია.