მოკლედ: თბილისში პროევროპული მარში მიმდინარეობს, გზავნილით — შენი ხმა ევროკავშირს. მსვლელობა 14:00-ზე, რესპუბლიკის მოედნიდან დაიწყო და ევროპის მოედნის მიმართულებით გაიმართება.

დეტალები: აქციის მონაწილეები საქართველოსა და ევროკავშირის დროშებით მივიდნენ მსვლელობაზე.

  • აქციის მონაწილეთა შორის ბევრი ახალგაზრდაა.
  • მარშზე სკანდირებენ "საქართველოს" და ფრაზას — ჩვენი ხმა ევროკავშირს.
  • მსვლელობას შეუერთდა რამდენიმე პოლიტიკოსი.
  • აქციაზე, შესაძლოა, მივიდეს საქართველოს პრეზიდენტი, სალომე ზურაბიშვილი, რომელმაც ამ მოძრაობის მიმართ მხარდაჭერის შესახებ 7 ნოემბერს განაცხადა.

კონტექსტი: 8 ნოემბერს, ევროკომისიამ საქართველოსათვის ევროკავშირის წევრობის კანდიდატის სტატუსის მისანიჭებლად დადებითი რეკომენდაცია გასცა.

  • თუმცა, უახლოეს დღეებში, სავარაუდოდ, 14-15 დეკემბერს, ევროპულმა საბჭომ, რომელშიც 27 სახელმწიფოს ლიდერია, უნდა გადაწყვიტოს, საქართველო მიიღებს თუ არა კანდიდატი ქვეყნის სტატუსს.

ბოლო ხაზი: აქციაზე დაგეგმილია ევროკავშირის დიდი დროშის მიტანა, რომლისთვისაც ორგანიზატორებმა დეტალები სიმბოლურად, საქართველოს სხვადასხვა მხარეში დაამზადეს.