საერთაშორისო გამჭვირვალობა საქართველომ კვლევის შედეგები წარადგინა, რომელშიც სასამართლო სისტემაში ბიუჯეტის არასწორად დაგეგმვისა და მისი, როგორც სისტემის განვითარების შემაფერხებელი ფაქტორზეა საუბარი.

კვლევის თანახმად შემდეგი პრობლემები გამოიკვეთა:

  • სასამართლოების ბიუჯეტები ცენტრალიზებულად, ანუ ზემოდან ქვემოთ იგეგმება, რის გამოც ეს ბიუჯეტები არ ასახავს სასამართლოების საჭიროებებს.
  • სასამართლო სისტემის ბიუჯეტების დაგეგმვაში არის სხვა არაერთი ხარვეზი, მაგ., იუსტიციის უმაღლესი საბჭოს არაერთი ხარჯის გაწერა არა წინასწარ, არამედ უშუალოდ ხარჯვის პროცესში ხდება. წლის დასაწყისში ვერ ხდება შესყიდვებისთვის გათვალისწინებული ბიუჯეტის შესაბამისად დაგეგმვა.
  • იუსტიციის უმაღლეს საბჭოს 2014 და 2015 წლების ბიუჯეტებით აღებული აქვს უზენაესი და საკონსტიტუციო სასამართლოების გამჭირვალობის და საჯაროობის პროცესის გაგრძელების ვალდებულება, მაშინ როცა იუსტიციის უმაღლესი საბჭოს უფლებამოსილება საერთოდ არ ვრცელდება უზენაეს და საკონსტიტუციო სასამართლოებზე.
  • იუსტიციის უმაღლეს საბჭოში, საერთო სასამართლოების დეპარტამენტსა და იუსტიციის უმაღლეს სკოლაში არ არსებობს სახელმწიფო შიდა ფინანსური კონტროლის ისეთი უმთავრესი ელემენტი, როგორიცაა შიდა აუდიტი.

აღნიშნული კვლევის შედეგებთან დაკავშირებით იუსტიციის უმაღლესი საბჭოს წევრმა, ლევან თევზაძემ განაცხადა, რომ შიდა აუდიტი არ არსებობს, თუმცა ნებისმიერ გადარიცხვას საერთო სასამართლოს დეპარტამენტი ახორციელებს:

"ბიუჯეტის დაგეგმვაში აქტიურად არის ჩართული იუსტიციის უმაღლესი საბჭო და მგონია, რომ რაიმე დარღვევებს და რაიმე ისეთ არასწორ ქმედებებს არ უნდა ჰქონდეს ადგილი.

ზემოაღნიშნული კვლევა 2011-2015 წლების პერიოდს მოიცავს.