რატომ არის მნიშვნელოვანი: 3 აგვისტოს, რაჭაში, შოვში, სასტუმრო სანსეტ შოვის მიმდებარედ, მეწყერი ჩამოწვა.

  • ოფიციალური ცნობით, სტიქიის შედეგად 33 ადამიანი დაიღუპა.
  • ათეულობით ადამიანი, რომლებმაც გადარჩენა მოახერხა, სტიქიის ზონიდან რამდენიმე საათის შემდეგ გამოიყვანეს.
  • 30 აგვისტოს მთავრობის ადმინისტრაციამ განაცხადა, რომ სტიქიით დაზარალებულ პირებს, გარდაცვლილებისა და დაკარგულების ოჯახის წევრებს, ფსიქოლოგის კონსულტაციასა და ფსიქოთერაპიულ სეანსებს შესთავაზებდნენ.
  • განცხადებაში აღნიშნული იყო, რომ საჭიროების შემთხვევაში მათ ფსიქიატრთან კონსულტაციასა და მედიკამენტებსაც აუნაზღაურებდნენ.

დეტალები: ამ დაპირებიდან ერთი კვირის შემდეგ, მარიტა გუტაშვილი, რომელმაც სტიქიის შედეგად ოჯახის 9 წევრი დაკარგა, ამბობს, რომ მას ჯერ არავინ დაჰკავშირებია.

  • მისი თქმით, საჭირო მონაცემები წინა კვირას გააგზავნა.
  • "სად არიან ფსიქოლოგები? კიდევ რამდენ ხანს ველოდო? ჩვენამდე მოსასვლელად ფსიქოლოგებს ტრენინგს ვუტარებთ თუ რაშია საქმე?", — წერს გუტაშვილი.