ახალი პოლიტიკური ცენტრი - გირჩი არჩევნებში მონაწილეობას ნებისმიერ მსურველს სთავაზობს. ამის შესახებ პარტიის ერთ-ერთმა დამფუძნებელმა და ლიდერმა, ზურაბ ჯაფარიძემ რამდენიმე წუთის წინ განაცხადა.

იმისათვის რომ პირმა გირჩის სახელით მიიღოს მონაწილეობა აუცილებელია, რომ არ იყოს ფაშისტი, კომუნისტი, რუსი ოკუპანტების მომხრე. გარდა ამისა, პირმა 15 ივლისიდან გირჩის საიტზე უნდა ატვირთოს საკუთარი ბიოგრაფიის შესახებ ინფორმაცია და აღნიშნოს რატომ ირჩევს ამ პარტიას და რას გააკეთებს მოგების შემთხვევაში.

პარტია იმ პირს, ვინც მათი სახელით მიიღებს არჩევნებში მონაწილეობას სთავაზობს:

  • აქტიურ პოლიტიკაში მონაწილეობას;
  • მედია მხარდაჭერას;
  • სწავლისა და განვითარების შესაძლებლობას;
  • მხარდაჭერას საარჩევნო გამოცდილებით;
  • მზა საარჩევნო პროგრამას.