ამ საკითხზე კობახიძემ ოპოზიციურად განწყობილ პირების მიმართ გახშირებულ თავდასხმებზე დასმული კითხვის პასუხად ისაუბრა.

დეტალები: კობახიძე ძალადობის წახალისებაში ოპოზიციას, ელჩებსა და არასამთავრობო ორგანიზაციებს ადანაშაულებს.

  • მისი მტკიცებით, წლების განმავლობაში ისმოდა ძალადობის წამახალისებელი განცხადებები და გამოსვლები ოპოზიონერი პოლიტიკოსების მხრიდან.
  • "ელჩების დუმილიც იყო, რა თქმა უნდა, ამ ძალადობის წახალისება. ასევე, მინდა შეგახსენოთ, რომ ადამიანი, რომელიც პოლიციელებს ცეცხლს უწოდებდა, ლამის გმირად გამოაცხადეს იგივე ადამიანებმა. აქაც იყო დუმილი კონკრეტული ელჩების მხრიდან და ა.შ"
  • "რა თქმა უნდა, ესეც არის ძალადობის წახალისება. საბოლოო ჯამში, ადამიანები გამოდიოდნენ პირდაპირ რუსთაველზე, დედას იგინებოდნენ, უწმაწური სიტყვებით შეურაცხყოფას აყენებდნენ ადამიანებს, ეს შეფასდა კონკრეტული ელჩის მხრიდან როგორც გამოხატვის თავისუფლება".

კობახიძის მტკიცებით, არა მხოლოდ ახალისებენ ძალადობას, არამედ ამ ყველაფერს არქმევდნენ სამოქალაქო აქტივიზმს.

  • "ეს ბევრმა დაიჯერა. ვინც იძალადა ზურაბ ჯაფარიძეზე, მიშა მშილდაძეზე, მათ დააჯერეს ამ ადამიანებმა, ოპოზიციამ, NGO-ებმა, ელჩებმა, რომ ეს ძალადობა, ფიზიკური თუ ვერბალური, არის სამოქალაქო აქტივიზმი. ჩვენ ყველას უნდა ვუთხრათ, რომ ეს არის ტყუილი. კი ბატონო, ეს შეიძლება ელჩმა გითხრას, კონკრეტულმა პოლიტიკოსმა, NGO-მ, მაგრამ ეს არის ტყუილი".

გუშინ 27 ივნისს, კარფურის ჰიპერმარკეტთან ფორმულას ერთ-ერთ დამფუძნებელს, მიშა მშვილდაძეს უცნობი პირი თავს დაესხა და ფიზიკურად გაუსწორდა.

  • "სახეში მუშტი დამარტყა. მერე ფეხი წამოვკარი კიბეს და წავიქეცი, წამოდგომა ვერ მოვახერხე და ის უკნიდან ცდილობდა, რომ ერტყა და ერტყა კიდევ", — უთხრა მშვილდაძემ ფორმულას.
  • მისივე თქმით, თავდამსხმელი ეუბნებოდა, "შენ პატრიარქს როგორ აგინებო".
  • დღეს მოქალაქემ ნიკოლოზ გუგეშაშვილის სახელით სოციალურ ქსელში დაწერა, რომ მშვილდაძეს თავს ის დაესხა