თბილისში, მელიქიშვილის #10-ში, სადაც ისტორიისა და ეთნოლოგიის ინსტიტუტის ადგილას კომპანია m2 მრავალფუნქციური შენობის აშენება სურს, ტროტუარი გადაკეტილია. ტროტუარის გადაკეტვის გამო მოქალაქეებს გზის სავალ ნაწილზე უწევთ გადაადგილება.

მელიქიშვილის #10-ში მისულია პარტიზანი მებაღე, ნატა ფერაძე, რომელსაც არ მისცეს დაცვის თანამშრომლებმა ტროტუარით სარგებლობის საშუალება. მას უთხრეს, რომ გადაღების უფლება არ ჰქონდა და ტროტუარით ვერ ისარგებლებდა, რადგან მშენებლობა მიმდინარეობს.

როგორც m2-ში ამბობენ, შენობას ფასადი შეუნარჩუნდება. თუმცა, სპეციალისტები მიიჩნევენ, რომ შენობის ფასადის შენარჩუნებით ისტორიული შენობის ავთენტური სახე მაინც იკარგება.