ნაციონალური მოძრაობის ლიდერმა ნიკა მელიამ განაცხადა, რომ მან გადაწყვიტა დატოვოს პარლამენტი და იბრძოლოს საკრებულოს თავმჯდომარეობისთვის. ამის შესახებ მელიამ რამდენიმე წუთის წინ, თბილის მერობის კანდიდატად ზაალ უდუმაშვილის დასახელებამდე განაცხადა.

"გადაჭარბებად არ ჩამითვლით თუ ვიტყვი, რომ ბრძოლა საქართველოს გადასარჩენად დაიწყება თბილისიდან. ამ ბრძოლაში ჩვენ გავიმარჯვებთ თქვენი მხარდაჭერით და თქვენთვის", - თქვა ნიკა მელიამ და დასძინა, რომ ქართული ოცნების დასამარცხებლად პარლამენტის დატოვების გადაწყვეტილება მიიღო.

რამდენიმე წუთის წინ ნაციონალურმა მოძრაობამ თბილისის მერობის კანდიდატად ზაალ უდუმაშვილი დაასახელა.